അരങ്ങേറ്റം കുറിച്ചതു മുതൽ ഏവരും കാത്തിരിക്കുന്ന മഹീന്ദ്ര ഥാറിന്റെ വില…

അരങ്ങേറ്റം കുറിച്ചതു മുതൽ ഏവരും കാത്തിരിക്കുന്ന മഹീന്ദ്ര ഥാറിന്റെ വില പ്രഖ്യാപിച്ചു. ആരെയും മയക്കുന്ന രൂപവുമായി എത്തിയതോടെ വാഹനം സ്വന്തമാക്കാൻ ആഗ്രഹിക്കുന്നവരും ഏറെയാണെന്നതിൽ സംശയമൊന്നുമില്ല. ബേസ് സ്‌പെക്ക് പെട്രോള്‍ മാനുവല്‍ വേരിയന്റിന് 9.80 ലക്ഷം രൂപ മുതല്‍ പുതിയ മഹീന്ദ്ര താര്‍ ഓഫ് റോഡര്‍ ഇന്ത്യൻ വിപണികൾ കീഴടക്കും. വില പ്രഖ്യാപനത്തിന് തൊട്ടുപിന്നാലെ മഹീന്ദ്ര പുതിയ താര്‍ ബുക്കിംഗ് ഔദ്യോഗികമായി സ്വീകരിച്ചുതുടങ്ങി. 2020 നവംബര്‍ 1 മുതല്‍ മഹീന്ദ്ര പുതിയ താറിന്റെ ഡെലിവറികള്‍ ആരംഭിക്കും.

മഹീന്ദ്രയുടെ അഭിപ്രായത്തില്‍, ഈ ട്രിം ഹാര്‍ഡ്‌കോര്‍ ഓഫ് റോഡ് പ്രേമികള്‍ക്കായി കൂടുതല്‍ സജ്ജമാക്കിയിട്ടുണ്ട്. ബേസ്-സ്പെക്ക് എക്സ് ട്രിമിന് പെട്രോള്‍ മാനുവല്‍ പതിപ്പും (9.80 ലക്ഷം രൂപ വില) ഡീസല്‍ മാനുവല്‍ പതിപ്പും (10.65 ലക്ഷം രൂപ വില) ഉണ്ടായിരിക്കും. ഇതിന് സ്റ്റീല്‍ വീലുകള്‍, ഒരു നിശ്ചിത സോഫ്റ്റ്-ടോപ്പ്, മെക്കാനിക്കല്‍ ലോക്കിംഗ് ഡിഫറന്‍ഷ്യല്‍, ഡ്യുവല്‍ ഫ്രണ്ട് എയര്‍ബാഗുകള്‍, ഒരു റോള്‍ കേജ് എന്നിവ സ്റ്റാന്‍ഡേര്‍ഡായി ലഭിക്കും.

ഥാര്‍ – എല്‍‌എക്‌സിനൊപ്പം ഉയര്‍ന്ന ട്രിം ലെവല്‍ നിരവധി അധിക സവിശേഷതകളോടെ ലഭ്യമാണ്. വലിയ, 18 ഇഞ്ച് അലോയ് വീലുകള്‍, ഹാര്‍ഡ്-ടോപ്പ് അല്ലെങ്കില്‍ കണ്‍വേര്‍ട്ടിബിള്‍ സോഫ്റ്റ്-ടോപ്പ്, 7 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഓട്ടോമാറ്റിക് ഗിയര്‍ബോക്‌സിന്റെ ഓപ്ഷന്‍ എന്നിവ ഇതില്‍ ഉള്‍പ്പെടുന്നു. താര്‍ എല്‍എക്സ് പെട്രോളിന് 12.49-13.55 ലക്ഷം രൂപയും ഡീസലിന് 12.85-13.75 ലക്ഷം രൂപയുമാണ് വില.