വർക്ക് ഫ്രം ഹോമിന്റെ വരവോടെ വീഡിയോ കോൺഫറസിങ് പ്ലാറ്റ്ഫോമുകളായ ഗൂഗിൾ മീറ്റ്, സൂം, മൈക്രോസോഫ്റ്റ് ടീംസ് എന്നിവയ്ക്ക് പ്രചാരമേറി. ഓഫീസ് കാര്യങ്ങൾക്കും മറ്റും ഗൂഗിൾ മീറ്റ് ഉപയോഗിക്കുന്നവർക്ക് ഇനി മുതൽ അത് സൗജന്യമായി ലഭിക്കില്ല. ഈ മാസം 30 മുതൽ ചില നീയന്ത്രണങ്ങൾ ഏർപ്പെടുത്തുകയാണ് ഗൂഗിൾ.
നിയന്ത്രങ്ങളിൽ പ്രധാനം ഗൂഗിൾ മീറ്റ് ഇനി പൂർണമായും സൗജന്യമല്ല എന്നതാണ്. 60 മിനിറ്റ് വരെയാണ് ഗൂഗിൾ മീറ്റ് ഉപയോഗപ്പെടുത്തി ഇനി സൗജന്യമായി വീഡിയോ കോൺഫെറൻസിങ് നടത്താൻ സാധിക്കുക. ഈ മാസം 30 വരെ മാത്രമേ 100 അംഗങ്ങളെ വരെ ഉൾപ്പെടുത്തി ഗൂഗിൾ മീറ്റ് പൂർണമായും സൗജന്യമായി ഉപയോഗിക്കാൻ സാധിക്കൂ. സേവനം 60 മിനുട്ടിന് ശേഷവും തുടരണമെങ്കിൽ പ്രത്യേകം പണം ചിലവഴിക്കണം.
ഈ വർഷം ഏപ്രിലിൽ തന്നെ ഗൂഗിൾ മീറ്റിന്റെ സൗജന്യ ഉപയോഗ പരിധി 60 മിനിറ്റ് ആണ് ഗൂഗിൾ വ്യക്തമാക്കിയിരുന്നു. എങ്കിലും സെപ്റ്റംബർ 30 വരെ ഈ നിയന്ത്രണം നടപ്പിൽ വരുത്തുന്നത് താമസിപ്പിച്ചു ഗൂഗിൾ. ഈ മാസം 30-ന് ആരംഭിക്കുന്ന നീയന്ത്രണങ്ങളെപ്പറ്റി കൂടുതൽ വ്യക്തത ലഭിക്കാൻ ദി വേർജ് ഗൂഗിളുമായി ബന്ധപ്പെട്ടപ്പോൾ പുതുതായി തങ്ങൾക്ക് പുതുതായി ഒന്നും പറയാനില്ല എന്നും, മുൻപേ തീരുമാനിച്ച കാര്യങ്ങളിൽ എന്തെങ്കിലും മാറ്റമുണ്ടെങ്കിൽ അറിയിക്കും എന്നുമാണ് ഗൂഗിളിൽ നിന്നും ലഭിച്ച മറുപടി.
Post Your Comments