തിരുവല്ല: കേരള കോൺഗ്രസ്(എം) മുതിർന്ന നേതാവും ചങ്ങനാശേരി എംഎൽഎയുമായ സി.എഫ്. തോമസ് അന്തരിച്ചു. 81 വയസ്സായിരുന്നു. ഏറെ നാളായി അർബുദബാധിതനായി ചികിത്സയിലായിരുന്നു. തിരുവല്ലയിലെ സ്വകാര്യ ആശുപത്രിയിലായിരുന്നു അന്ത്യം.
കേരളാ കോൺഗ്രസ് സ്ഥാപക നേതാക്കളിൽ ഒരാളായിരുന്ന സി.എഫ് തോമസ് കേരള കോൺഗ്രസ് -എം ഡെപ്യൂട്ടി ചെയർമാനുമായിരുന്നു. കെഎസ്‌യുവിലൂടെയായിരുന്നു സി.എഫ് തോമസിന്റെ രാഷ്ട്രീയ പ്രവേശനം.1980 മുതൽ തുടർച്ചയായി ഒമ്പതു തവണ ചങ്ങനാശേരിയിൽ നിന്ന് നിയമസഭയിലേക്ക് തിരഞ്ഞെടുക്കപ്പെട്ടു. 2001-2006ൽ യുഡിഎഫ് മന്ത്രിസഭയിൽ ഗ്രാമവികസന വകുപ്പ് മന്ത്രിയുമായിട്ടുണ്ട്.
Post Your Comments