കോവിഡ്​ ഭീതി: വിപണികളില്‍ കനത്ത ഇടിവ്​

മുംബൈ: രാജ്യത്ത് കോവിഡ് വ്യാപന പശ്ചാത്തലത്തിൽ ഓഹരി വിപണികളിൽ വൻ ഇടിവ്. വില്‍പ്പന സമ്മര്‍ദ്ദം ഉയര്‍ന്നതോടെ ഓഹരി വിപണി നഷ്​ടത്തില്‍ വ്യാപാരം അവസാനിപ്പിച്ചു. ബോംബെ ഓഹരി സൂചികയായ സെന്‍സെക്​സ്​ 811.68 പോയന്‍റും നിഫ്​റ്റി 282.75 പോയന്‍റും താഴ്​ന്നു. 38,034ലാണ് സെന്‍സെക്​സ്​ വ്യാപാരം അവസാനിപ്പിച്ചത്​. നിഫ്​റ്റി 11,222.20 ലും.

Read Also: ഓഹരി വിപണി : ഇന്ന് നേട്ടത്തോടെ ആരംഭിച്ചു

കോവിഡ്​ പ്രതിസന്ധി പിടിമുറുക്കിയതാണ്​ വിപണിയെ പ്രതികൂലമായി ബാധിച്ചത്​. റിയല്‍ എസ്​റ്റേറ്റ്​, ടെലികോം, മെറ്റല്‍ തുടങ്ങിയ മേഖലകളില്‍ കനത്ത ഇടിവ്​ രേഖപ്പെടുത്തി. യൂറോപ്പിലും മറ്റും കോവിഡി​ന്റെ രണ്ടാംവരവ്​ സ്​ഥിരീകരിച്ചത്​ ആഗോളവിപണിയെയും പ്രതികൂലമായി ബാധിച്ചു. നിക്ഷേപകരുടെ പണം നഷ്​ടമായേക്കുമോ എന്ന ആശങ്ക ഓഹരി വിപണിയില്‍ പ്രതിഫലിച്ചതായും വിദഗ്​ധര്‍ പറയുന്നു.