ആമസോണ്‍ അലക്‌സയിൽ നിങ്ങളുടെ സംസാരത്തിന് ഇനി കാതോര്‍ക്കുക അമിതാഭ് ബച്ചൻ

ബോളിവുഡ് മെഗാസ്റ്റാർ അമിതാഭ് ബച്ചനുമായി സഹകരിച്ച് ഇന്ത്യൻ ആരാധകർക്കായി സവിശേഷമായ ശബ്ദ അനുഭവം സൃഷ്ടിക്കാൻ ഒരുങ്ങുന്നതായി ആമസോൺ അലക്സാ തിങ്കളാഴ്ച അറിയിച്ചു. ഉപഭോക്താക്കൾക്ക് മികച്ച ഉള്ളടക്കം എത്തിക്കുന്നതിന് ശബ്‌ദം പകർത്താൻ ആമസോൺ അലക്സാ ബിഗ് ബി യുമായി ചേർന്ന് പ്രവർത്തിക്കും.2021 മുതൽ അലക്സാ ഉപകരണങ്ങളിൽ ബച്ചന്റെ ശബ്‌ദം ലഭ്യമാകുമെന്ന് കമ്പനി അറിയിച്ചു.

നിങ്ങള്‍ക്ക് അമിതാബ് ബച്ചന്റെ ശബ്ദം എങ്ങനെയുണ്ടെന്ന് കേട്ടറിയാന്‍ അലക്‌സയുള്ള ഉപകരണത്തോട് ‘Alexa, say hello to Mr. Amitabh Bachchan.’ എന്ന് പറഞ്ഞാല്‍ മതി. തമാശകൾ, കാലാവസ്ഥ, മോട്ടിവേഷണൽ ഉദ്ധരണികൾ, ഉപദേശം എന്നിവയും അതിലേറെയും ജനപ്രിയ ഓഫറുകളിൽ ഉൾപ്പെടുമെന്നാണ് കമ്പനി അറിയിച്ചിരിക്കുന്നത്.
.
Read also: സ്വവര്‍ഗ വിവാഹം നമ്മുടെ സംസ്കാരത്തിലോ നിയമത്തിലോ ഇല്ല; എതിര്‍പ്പ് പ്രകടിപ്പിച്ച്‌ കേന്ദ്ര സര്‍ക്കാര്‍

ബോളിവുഡുമായി വളർന്ന ഏതൊരു ഇന്ത്യക്കാരനും ബച്ചന്റെ ശബ്ദം തീർച്ചയായും അവിസ്മരണീയമാണ്. ഈ സംയോജനം ഞങ്ങളുടെ ഉപഭോക്താക്കളുടെ ജീവിതത്തെ കൂടുതൽ ആനന്ദിപ്പിക്കുന്നതിനും ലളിതമാക്കുന്നതിനും അനുയോജ്യമായ ഒരു പിച്ച് നൽകുന്നു, ”ഇന്ത്യയിലെ ആമസോൺ അലക്സാ ലീഡർ പുനേഷ് കുമാർ പറഞ്ഞു.

“ടെക്നോളജി എല്ലായ്പ്പോഴും എനിക്ക് പുതിയ ഫോമുകളുമായി പൊരുത്തപ്പെടാനുള്ള അവസരം നൽകിയിട്ടുണ്ട്. ആമസോണും അലക്സയുമായുള്ള പങ്കാളിത്തത്തോടെ ഈ ശബ്ദ അനുഭവം സൃഷ്ടിക്കുന്നതിൽ ഞാൻ സന്തുഷ്ടനാണ്” ബച്ചൻ പ്രസ്താവനയിൽ പറഞ്ഞു.

ഇതാദ്യമായാണ് അലക്സയ്ക്ക് ഒരു ഇന്ത്യൻ സെലിബ്രിറ്റിയുടെ ശബ്ദം ലഭിക്കുന്നത്, അമേരിക്കയിൽ, ഇതിന് ഇതിനകം സാമുവൽ എൽ ജാക്സന്റെ ശബ്ദമുണ്ട്.