യുഎഇയില്‍ വീണ്ടും കോവിഡ് കേസുകളില്‍ വര്‍ധനവ് ; കോവിഡ് റിപ്പോര്‍ട്ട് പുറത്തുവിട്ട് ആരോഗ്യ മന്ത്രാലയം

യുഎഇയില്‍ വീണ്ടും കോവിഡ് കേസുകളില്‍ വര്‍ധനവ്. ഇന്ന് 931 പുതിയ കേസുകളാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്. 75,177 ടെസ്റ്റുകള്‍ നടത്തിയ ശേഷമാണ് പുതിയ കേസുകള്‍ കണ്ടെത്തിയത്. ഇതോടെ രാജ്യത്ത് 77, 842 പേര്‍ക്ക് രോഗബാധ സ്ഥിരീകരിച്ചു. 517 പേര്‍ രോഗമുക്തരായതായും പുതിയ മരണങ്ങളൊന്നും റിപ്പോര്‍ട്ട് ചെയ്തിട്ടില്ലെന്നും യുഎഇ ആരോഗ്യ-പ്രതിരോധ മന്ത്രാലയം പറയുന്നു.

പുതിയ കോവിഡ് -19 കേസുകളുടെ ദൈനംദിന എണ്ണത്തില്‍ വര്‍ദ്ധനവുണ്ടായതോടെ ”സര്‍ക്കാര്‍ നിശ്ചയിച്ചിട്ടുള്ള സുരക്ഷാ മുന്‍കരുതലുകള്‍ വ്യക്തികളും സ്ഥാപനങ്ങളും പാലിക്കേണ്ടത് നിര്‍ബന്ധമാണെന്ന് യുഎഇ സര്‍ക്കാര്‍ വ്യക്തമാക്കി.

ഓഗസ്റ്റ് 10 ന് 179 പുതിയ കേസുകള്‍ കണ്ടെത്തിയപ്പോള്‍ ഈ മാസത്തില്‍ അഞ്ച് തവണ കേസുകള്‍ വര്‍ദ്ധിച്ചതായി മന്ത്രാലയം അറിയിച്ചു. പകര്‍ച്ചവ്യാധി ആരംഭിച്ചതിന് ശേഷം യുഎഇയില്‍ ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പെട്ട മൂന്നാമത്തെ കേസാണ് വ്യാഴാഴ്ച ഉണ്ടായത്.

ആളുകള്‍ വ്യക്തിഗത പ്രതിബദ്ധത കാണിക്കുന്നില്ല എന്നതും റെസ്റ്റോറന്റുകളിലും മറ്റ് പൊതു സ്ഥലങ്ങളിലും നടക്കുന്ന കൂട്ടായ്മകളില്‍ ചേരുന്നത് തുടരുകയാണ് എന്നതുമാണ് ദൈനംദിന കേസുകളുടെ കുത്തനെ വര്‍ദ്ധനവിന് ഒരു പ്രധാന കാരണം. കോവിഡ് -19 പോസിറ്റീവ് രോഗിയുമായി സമ്പര്‍ക്കം പുലര്‍ത്തുന്ന ഏതൊരു വ്യക്തിക്കും പ്രാരംഭ കോണ്‍ടാക്റ്റിന്റെ സമയത്ത് 14 ദിവസത്തെ ഹോം ക്വാറന്റൈനിന് വിധേയമാക്കാന്‍ യുഎഇ നിര്‍ബന്ധമാക്കിയിട്ടുണ്ട്.