ദില്ലി: രാജ്യാന്തര അതിര്‍ത്തി കടക്കാന്‍ ശ്രമിച്ച രണ്ട് പാക്കിസ്ഥാന്‍ മയക്കുമരുന്ന് കടത്തുകാരെ അതിര്‍ത്തി സുരക്ഷാ സേന വെടിവച്ചു കൊന്നു. രാജസ്ഥാനിലെ അനുപ്ഗഡ് സെക്ടറില്‍ ബുധനാഴ്ച ഉച്ചയ്ക്ക് 12.30 ഓടെയാണ് ബി.എസ്.എഫിന്റെ 91 ബറ്റാലിയന്‍ ഇവരെ വെടിവെച്ചു കൊന്നത്. മരിച്ച രണ്ട് മയക്കുമരുന്ന് കടത്തക്കാരില്‍ ഒരാള്‍ ഷഹബാസ് അലി ആണെന്ന് ഇയാളുടെ തിരിച്ചറിയല്‍ കാര്‍ഡില്‍ നിന്ന് വ്യക്തമായി.
അതേസമയം, രണ്ട് മൃതദേഹങ്ങളെക്കുറിച്ച് വിവരം ലഭിച്ചിട്ടും പാകിസ്ഥാന്‍ ഇത് അവഗണിച്ചു. ഇതേത്തുടര്‍ന്ന് ബി.എസ്.എഫ് ഉദ്യോഗസ്ഥര്‍ ഇവരുടെ അന്ത്യകര്‍മങ്ങള്‍ നടത്തി മൃതദേഹങ്ങള്‍ പ്രദേശത്ത് സംസ്‌കരിച്ചു.
കൊല്ലപ്പെട്ട രണ്ട് പാകിസ്ഥാന്‍ പൗരന്മാര്‍ വേലിക്ക് കുറുകെ അഞ്ച് പാക്കറ്റുകള്‍ വലിച്ചെറിഞ്ഞതായും അന്താരാഷ്ട്ര അതിര്‍ത്തി കടക്കാന്‍ ശ്രമിക്കുന്നതിനിടെയാണ് ബിഎസ്എഫ് ഉദ്യോഗസ്ഥര്‍ ജാഗ്രത പാലിച്ചതെന്നും റിപ്പോര്‍ട്ടുകള്‍ പറയുന്നു. കൊല്ലപ്പെട്ട പാകിസ്ഥാന്‍ കള്ളക്കടത്തുകാരില്‍ നിന്ന് എട്ട് കിലോയോളം ഹെറോയിന്‍, രണ്ട് പിസ്റ്റളുകള്‍, ഒരു രാത്രി കാഴ്ച പ്രാപ്തമാക്കിയ ബൈനോക്കുലറുകള്‍ എന്നിവ കണ്ടെടുത്തു.
മുന്‍കാലങ്ങളിലും അതിര്‍ത്തി സുരക്ഷാ സേന കള്ളക്കടത്ത് നടത്താനുള്ള നിരവധി ശ്രമങ്ങള്‍ പരാജയപ്പെടുത്തിയിരുന്നു.
Post Your Comments