കനത്ത മഴ തുടരുന്നു ; കെട്ടിടം തകര്‍ന്നു വീണു ; ഒരു കുഞ്ഞടക്കം അഞ്ച് പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നു

കോയമ്പത്തൂര്‍: ഞായറാഴ്ച തുടര്‍ച്ചയായ മഴയെത്തുടര്‍ന്ന് കെട്ടിടം തകര്‍ന്ന് രണ്ട് പേരെ രക്ഷപ്പെടുത്തി. കോയമ്പത്തൂരിലെ തമിഴ്നാട്ടിലെ ചെട്ടി സ്ട്രീറ്റ് പ്രദേശത്താണ് സംഭവം. രണ്ട് പേരെ ഇതുവരെ രക്ഷപ്പെടുത്തി. എന്നാല്‍ ഇപ്പോഴും ഒരു കുഞ്ഞ് ഉള്‍പ്പെടെ അഞ്ച് പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നതായി അഗ്‌നിശമന സേന വകുപ്പിലെ രക്ഷാപ്രവര്‍ത്തകര്‍ അറിയിച്ചു.

ജില്ലാ കളക്ടര്‍ കെ രാജമണി സംഭവസ്ഥലത്തെത്തി പ്രവര്‍ത്തനം നിരീക്ഷിക്കുന്നു. ആംബുലന്‍സുകളും മെഡിക്കല്‍ ടീമുകളും സംഭവസ്ഥലത്തെത്തിത്തിയിട്ടുണ്ടെന്ന് പോലീസ് പറഞ്ഞു. കുടുങ്ങി കിടക്കുന്നവരെ രക്ഷപ്പെടുത്തുന്നതിനായി ഭരണകൂടം പ്രവര്‍ത്തനം ആരംഭിച്ചതായി പോലീസ് പറഞ്ഞു.