ഒ​രു കോ​വി​ഡ് വാ​ക്സി​നും പൂ​ര്‍​ണ​മാ​യും ഫ​ല​പ്ര​ദ​മാ​ണെ​ന്ന് തെ​ളി​ഞ്ഞി​ട്ടില്ല: ഡബ്ല്യുഎച്ച്‌ഒ

ജനീവ: കോവിഡ് വാക്സിന്‍ കുത്തിവയ്പ് അടുത്ത വര്‍ഷം പകുതിയോടെയേ ആരംഭിക്കുകയുള്ളുവെന്ന് ലോകാരോഗ്യ സംഘടന(ഡബ്ല്യുഎച്ച്‌ഒ). ഇ​തു​വ​രെ വി​ക​സി​പ്പി​ച്ചെ​ടു​ത്ത ഒ​രു കോ​വി​ഡ് വാ​ക്സി​നും പൂ​ര്‍​ണ​മാ​യും ഫ​ല​പ്ര​ദ​മാ​ണെ​ന്ന് തെ​ളി​ഞ്ഞി​ട്ടി​ല്ലെ​ന്നും 50 ശതമാനംമാത്രമാണ് ഇവയുടെ ഫലപ്രാപ്തിയെന്നും ഡബ്ല്യുഎച്ച്‌ഒ പ്രതിനിധി മാര്‍ഗരറ്റ് ഹാരിസ് വ്യക്തമാക്കി. സാവധാനം മൂന്നാംഘട്ട പരീക്ഷണങ്ങള്‍ നടത്തിയാല്‍ മാത്രമാണ് ഫലപ്രാപ്തിയുള്ള വാക്സിന്‍ തയ്യാറാക്കാന്‍ കഴിയുക. പരീക്ഷണങ്ങളിലെ വിവരങ്ങള്‍ പരസ്പരം കൈമാറുകയും താരതമ്യം ചെയ്യുകയും വേണം. നിരവധി ആളുകള്‍ വാക്സിന്‍ എടുത്തിട്ടുണ്ട്. എന്നാല്‍, ഇവയൊന്നും തന്നെ കൃത്യമായ ഫലമോ സുരക്ഷയോ തരുന്നതായി കണ്ടെത്തിയിട്ടില്ലെന്ന് അവർ പറയുകയുണ്ടായി.

Read also: അ​മേ​രി​ക്ക​യി​ല്‍ ഉ​ള്ള​തി​നേ​ക്കാ​ള്‍ കോ​വി​ഡ് മ​ര​ണ​ങ്ങ​ള്‍ ചൈ​ന​യി​ല്‍ ഉണ്ട് : ചൈനയ്‌ക്കെതിരെ വീണ്ടും ട്രംപ്

റ​ഷ്യ വി​ക​സി​പ്പി​ച്ച വാ​ക്സി​ന്‍ ര​ണ്ട് മാ​സ​ത്തെ ക്ലി​നി​ക്ക​ല്‍ പ​രീ​ക്ഷ​ണ​ത്തി​നു​ശേ​ഷം വി​ത​ര​ണം ചെ​യ്യു​മെ​ന്ന റി​പ്പോ​ര്‍​ട്ടു​ക​ള്‍​ക്കി​ടെ​യാ​ണ് മാ​ര്‍​ഗ​ര​റ്റ് ഹാ​രി​സ് ഇ​ക്കാ​ര്യം വ്യക്തമാക്കിയിരിക്കുന്നത്. അ​ടു​ത്ത വ​ര്‍​ഷം പ​കു​തി​യോ​ടെ​യ​ല്ലാ​തെ വാ​ക്സി​ന്‍റെ വ്യാ​പ​ക​മാ​യ വി​ത​ര​ണം ന​ട​ക്കു​മെ​ന്ന് പ്ര​തീ​ക്ഷി​ക്കു​ന്നി​ല്ലെ​ന്നാ​ണ് മാ​ര്‍​ഗ​ര​റ്റ് ഹാ​രി​സി​ന്‍റെ വി​ശ​ദീ​ക​ര​ണം.