ഉത്തരാഖണ്ഡ് : കനത്ത മഴയില്‍ വീട് ഇടിഞ്ഞ് രണ്ട് കുട്ടികളും അച്ഛനും മരിച്ചു. ഉത്തരാഖണ്ഡിലെ പിത്തോറഗഡ് ജില്ലയില്‍ വെള്ളിയാഴ്ചയാണ് സംഭവം. പുലര്‍ച്ചെ മൂന്ന് മണിയോടെയാണ് വീട് തകര്‍ന്ന് വീണ് മൂന്നുപേരും മരിച്ചത്. മൂവരും സംഭവസ്ഥലത്തുവെച്ചുതന്നെ മരിച്ചു. കുശാല്‍ നാഥ്, നാല് വയസുള്ള മകന്‍ ധനജയ്, രണ്ട് വയസുള്ള മകള്‍ നികിത എന്നിവരാണ് മരിച്ചത്. കുട്ടികളുടെ അമ്മയ്ക്ക് പരിക്കേറ്റതായി പിത്തോറഗഡ് ജില്ലാ മജിസ്ട്രേറ്റ് വി.കെ ജോഗ്ദാന്‍ഡെ പറഞ്ഞു.
27 കാരനായ കുശാല്‍ നാഥ് അടുത്തിടെയാണ് വീട് വാങ്ങിയതെന്ന് മജിസ്ട്രേറ്റ് അറിയിച്ചു. സംസ്ഥാന ദുരന്ത നിവാരണ സേനയും പോലീസ് ഉദ്യോഗസ്ഥരും മൃതദേഹങ്ങള്‍ അവശിഷ്ടങ്ങളില്‍ നിന്ന് പുറത്തെടുത്ത് കുശാല്‍ നാഥിന്റെ ഭാര്യയെ രക്ഷപ്പെടുത്തിയതായി ജോഗ്ദാന്‍ഡെ പറഞ്ഞു.
ഉത്തരാഖണ്ഡിലെ വിവിധ ഭാഗങ്ങളില്‍ തുടര്‍ച്ചയായി മഴ പെയ്തതായും ഹിമാലയന്‍ ക്ഷേത്രങ്ങളിലേക്ക് നയിക്കുന്ന റോഡുകളടക്കം നിരവധി റോഡുകളില്‍ ഗതാഗത മുടങ്ങിയതായി ഒരു ഉദ്യോഗസ്ഥന്‍ പറഞ്ഞു. കനത്ത മഴയെത്തുടര്‍ന്ന് ഡെറാഡൂണില്‍ നിന്ന് ബദരീനാഥ്, കേദാര്‍നാഥ്, യമുനോത്രി എന്നിവിടങ്ങളിലേക്കുള്ള റോഡ് നിരവധി സ്ഥലങ്ങളില്‍ പാറകളും കല്ലുകളും ഇടിഞ്ഞു വീഴുന്നുണ്ടെന്ന് സംസ്ഥാന ദുരന്ത നിവാരണ ഓഫീസ് അറിയിച്ചു.
ചാമോളിയിലെ ടോട്ടഘട്ടിയിലും ജലേശ്വര്‍ മഹാദേവിലെ കേദാര്‍നാഥിലേക്കുള്ള റോഡും ഉത്തരകാഷിയിലെ സിലായ് വളവിലെ യമുനോത്രിയിലേക്കുള്ള റോഡും ഋഷികേശ്-ബദരീനാഥ് ഹൈവേയിലെ ഗതാഗതം നിര്‍ത്തിവച്ചു. ഈ റോഡുകള്‍ക്ക് പുറമെ തവഘട്ട്, മുന്‍സിയാരി, അല്‍മോറ, കോട്ദ്വാര്‍, പൗരി എന്നിവിടങ്ങളിലെ മറ്റ് പ്രധാന ലിങ്കുകളും തടഞ്ഞതായി ദുരന്ത നിവാരണ ഓഫീസ് അറിയിച്ചു.
Post Your Comments