കണ്ണൂർ • ജില്ലയില്‍ 37 പേര്‍ക്ക് തിങ്കളാഴ്ച കോവിഡ് സ്ഥിരീകരിച്ചു. ഇവരില്‍ 19 പേര്‍ക്ക് സമ്പര്‍ക്കത്തിലൂടെയാണ് രോഗബാധ. രണ്ട് പേര്‍ വിദേശത്ത് നിന്നും 12 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. നാല് ആരോഗ്യ പ്രവര്‍ത്തകര്‍ക്കും രോഗബാധ ഉണ്ടായി.
കണ്ണൂര്‍ വിമാനത്താവളം വഴി ജൂലൈ 25ന് മസ്‌കറ്റില്‍ നിന്ന് 6ഇ 9118 വിമാനത്തിലെത്തിയ അയ്യന്‍കുന്ന് സ്വദേശി 45കാരന്‍, ജൂലൈ 27ന് ദമാമില്‍ നിന്ന് എഐ 1908 വിമാനത്തിലെത്തിയ ചെറുകുന്ന് സ്വദേശി 61കാരന്‍ എന്നിവരാണ് വിദേശത്ത് നിന്ന് എത്തിയവര്‍.
ബെംഗളൂരുവില്‍ നിന്ന് ജൂലൈ 14ന് എത്തിയ കുറ്റിയാട്ടൂര്‍ സ്വദേശി 30കാരന്‍, 18ന് എത്തിയ പാനൂര്‍ സ്വദേശി 15കാരന്‍, 19ന് എത്തിയ മട്ടന്നൂര്‍ സ്വദേശി 25കാരന്‍, 24ന് എത്തിയ കണ്ണൂര്‍ സ്വദേശി 61കാരന്‍, 25ന് എത്തിയ പാനൂര്‍ സ്വദേശി 49കാരന്‍, 30ന് 6ഇ 71389 വിമാനത്തില്‍ കണ്ണൂരിലെത്തിയ മുഴപ്പിലങ്ങാട് സ്വദേശി 24കാരന്‍, ബെല്‍ഗാമില്‍ നിന്ന് ജൂലൈ 20ന് എത്തിയ തില്ലങ്കേരി സ്വദേശി 15കാരന്‍, മഹാരാഷ്ട്രയില്‍ നിന്ന് ജൂലൈ 21ന് എത്തിയ ചെങ്ങളായി സ്വദേശികളായ 13കാരി, 17കാരി, ജൂലൈ 26ന് ബീഹാറില്‍ നിന്ന് ബെംഗളൂരു വഴി 6ഇ 6839 വിമാനത്തില്‍ കണ്ണൂരിലെത്തിയ പടിയൂര്‍ സ്വദേശി 30കാരന്‍, ജൂലൈ 20ന് നാഗാലാന്റില്‍ നിന്ന് ബെംഗളൂരു വഴി 6ഇ 7974 വിമാനത്തിലെത്തിയ പയ്യന്നൂര്‍ സ്വദേശി 37കാരന്‍, ജൂലൈ 30ന് മംഗലാപുരത്തു നിന്ന് എത്തിയ ചിറക്കല്‍ സ്വദേശി 63കാരന്‍ എന്നിവരാണ് ഇതര സംസ്ഥാനങ്ങളില്‍ നിന്നെത്തിയവര്‍.
ചിററാരിപ്പറമ്പ സ്വദേശി 30കാരി, ചെങ്ങളായി സ്വദേശി 68കാരന്‍, ചെമ്പിലോട് സ്വദേശി 39കാരി, മുണ്ടേരി സ്വദേശി 39കാരി, മുഴക്കുന്ന് സ്വദേശി 23കാരി, മലപ്പട്ടം സ്വദേശി 58കാരന്‍, ചിറക്കല്‍ സ്വദേശി 75കാരി, പടിയൂര്‍ സ്വദേശികളായ 85കാരി (ഇപ്പോള്‍ കീഴല്ലൂരില്‍ താമസം), 18കാരന്‍, അഞ്ചരക്കണ്ടി സ്വദേശികളായ (ഇപ്പോള്‍ കീഴല്ലൂരില്‍ താമസം) 33കാരന്‍, 40കാരന്‍, കീഴല്ലൂര്‍ സ്വദേശി 10 വയസുകാരി, തളിപ്പറമ്പ സ്വദേശി 79കാരന്‍, അഞ്ചരക്കണ്ടി സ്വദേശി 24കാരന്‍, കുറുമാത്തൂര്‍ സ്വദേശി 67കാരന്‍, പിണറായി സ്വദേശി 51കാരന്‍, കടന്നപ്പള്ളി സ്വദേശി 61കാരി, ചപ്പാരപ്പടവ് സ്വദേശി 30കാരന്‍, മലപ്പട്ടം സ്വദേശി 55കാരന്‍ (സ്‌പെഷ്യല്‍ ബ്രാഞ്ച് എസ്‌ഐ) എന്നിവര്‍ക്കാണ് സമ്പര്‍ക്കം മൂലം രോഗബാധ ഉണ്ടായത്.
ആംസ്റ്റര്‍ മിംസില്‍ സ്റ്റാഫ് നഴ്സുമാരായ നടുവില്‍ സ്വദേശി 26 കാരി, ചപ്പാരപ്പടവ് 32കാരി, ഫാര്‍മസിസ്റ്റ് കണ്ണൂര്‍ സ്വദേശി 24കാരന്‍, കണ്ണൂര്‍ ഗവ. മെഡിക്കല്‍ കോളേജിലെ സ്റ്റാഫ് നഴ്സായ കാസര്‍കോട് സ്വദേശി 51കാരി എന്നിവരാണ് രോഗം സ്ഥിരീകരിച്ച ആരോഗ്യപ്രവര്‍ത്തകര്‍. ഇതോടെ ജില്ലയിലെ കൊവിഡ് ബാധിതരുടെ എണ്ണം 1439 ആയി.
കൊവിഡ് 19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 9686 പേരാണ്. ഇവരില്‍ അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില്‍ 107 പേരും കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 175 പേരും തലശ്ശേരി ജനറല്‍ ആശുപത്രിയില്‍ 15 പേരും കണ്ണൂര്‍ ജില്ലാ ആശുപത്രിയില്‍ 20 പേരും കണ്ണൂര്‍ ആര്‍മി ഹോസ്പിറ്റലില്‍ 13 പേരും കണ്ണൂര്‍ ആസ്റ്റര്‍ മിംസ് ആശുപത്രിയില്‍ 4 പേരും ഏഴിമല നാവിക സേനാ ആശുപത്രിയില്‍ രണ്ടു പേരും ഫസ്റ്റ് ലൈന്‍ കോവിഡ് ട്രീറ്റ്മെന്റ് സെന്ററുകളില്‍ 68 പേരും ഹോം ഐസൊലേഷനില്‍ മൂന്ന് പേരും വീടുകളില്‍ 9279 പേരുമാണ് നിരീക്ഷണത്തിലുള്ളത്.
ജില്ലയില്‍ നിന്ന് ഇതുവരെ 31880 സാംപിളുകള്‍ പരിശോധനയ്ക്ക് അയച്ചതില്‍ 31034 എണ്ണത്തിന്റെ ഫലം വന്നു. 846 എണ്ണത്തിന്റെ ഫലം ലഭിക്കാനുണ്ട്.കൊവിഡ്: ജില്ലയില്‍ രോഗമുക്തര്‍ 1000
കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന്‍ കൊവിഡ് ട്രീറ്റ്മെന്റ് സെന്ററുകളിലും ചികിത്സയിലായിരുന്ന 25 പേര്‍ കൂടി ഇന്നലെ (ആഗസ്ത് 3) രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരില്‍ രോഗമുക്തി നേടിയവരുടെ എണ്ണം 1000 ആയി. ബാക്കി 432 പേര്‍ വിവിധ ആശുപത്രികളില്‍ ചികിത്സയിലാണ്.
കണ്ണൂര്‍ ഗവ.മെഡിക്കല്‍ കോളേജില്‍ ചികിത്സയിലായിരുന്ന തളിപ്പറമ്പ് സ്വദേശി 24കാരി, ആരോഗ്യപ്രവര്‍ത്തകരായ 29കാരി, 27കാരി, 24കാരന്‍, 21കാരി, 24കാരന്‍, പെരളശ്ശേരി സ്വദേശി 20കാരി, കടന്നപ്പള്ളി-പാണപ്പുഴ സ്വദേശികളായ 37കാരന്‍, 21കാരന്‍, 27കാരി, കല്ല്യാശ്ശേരി സ്വദേശി 22കാരി, പയ്യാവൂര്‍ സ്വദേശി 34കാരി, തലശ്ശേരി സ്വദേശി 26കാരി, ഗവ.ആയുര്‍വേദ കോളേജ് സിഎഫ്എല്‍ടിസിയില്‍ ചികിത്സയിലായിരുന്ന എരമം-കുറ്റൂര്‍ സ്വദേശി 35കാരി, ആരോഗ്യ പ്രവര്‍ത്തകന്‍ 24കാരന്‍, കണ്ണൂര്‍ കോര്‍പ്പറേഷന്‍ സ്വദേശി 42കാരന്‍, പാലയാട് സിഎഫ്എല്‍ടിസിയില്‍ ചികിത്സയിലായിരുന്ന കതിരൂര്‍ സ്വദേശികളായ ഒരു വയസ്സുകാരന്‍, 52കാരി, 65കാരന്‍, 33കാരന്‍, തലശ്ശേരി സ്വദേശികളായ എട്ടുവയസ്സുകാരന്‍, 45കാരി, 19കാരി, 49കാരി, 17കാരന്‍ എന്നിവരാണ് ഇന്നലെ രോഗം ഭേദമായി വീടുകളിലേക്ക് മടങ്ങിയത്.
21 വാര്‍ഡുകള്‍ കൂടി കണ്ടെയിന്‍മെന്റ് സോണില്‍
പുതുതായി കോവിഡ് ബാധ റിപ്പോര്‍ട്ട് ചെയ്യപ്പെട്ട ജില്ലയിലെ 21 തദ്ദേശ സ്വയംഭരണ വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. പാനൂര്‍ 8, പയ്യന്നൂര്‍ 2, ചെറുകുന്ന് 6, ചിറക്കല്‍ 22, മട്ടന്നൂര്‍ 13, പടിയൂര്‍ കല്ല്യാട് 1, ചെങ്ങളായി 1, തില്ലങ്കേരി 7 എന്നീ വാര്‍ഡുകളുമാണ് പുതുതായി കണ്ടെയിന്‍മെന്റ് സോണുകളായത്. ഇവിടങ്ങളില്‍ വിദേശ രാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നും എത്തിയവര്‍ക്കാണ് കൊവിഡ് ബാധയെന്നതിനാല്‍ രോഗികളുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങളാണ് കണ്ടെയിന്‍മെന്റ് സോണുകളാക്കുക.
ഇതിനു പുറമെ, സമ്പര്‍ക്കം മൂലം രോഗബാധയുണ്ടായ കണ്ണൂര്‍ കോര്‍പ്പറേഷന്‍ 39-ാം ഡിവിഷനും മലപ്പട്ടം 7, നടുവില്‍ 2, ചപ്പാരപ്പടവ് 10, ചിറ്റാരിപറമ്പ 7, മുണ്ടേരി 1, ചെമ്പിലോട് 3, ശ്രീകണ്ഠാപുരം 26, ചപ്പാരപ്പടവ് 13, ചെങ്ങളായി 10, മുഴക്കുന്ന് 11, കുറുമാത്തൂര്‍ 3, പിണറായി 11 എന്നീ വാര്‍ഡുകളും പൂര്‍ണമായി അടച്ചിടും.
Post Your Comments