റഫേല്‍ യുദ്ധവിമാനങ്ങള്‍ ഇന്ത്യന്‍ വ്യോമസേനയെ കൂടുതല്‍ കരുത്തുറ്റതാക്കിയെന്ന് ആഭ്യന്തരമന്ത്രി അമിത് ഷാ. ഇന്ത്യയെ കൂടുതല്‍ സുരക്ഷിതവും കരുത്തുറ്റതാക്കുകയും ചെയ്യുമെന്ന പ്രധാനമന്ത്രി നരേന്ദ്ര മോദിയുടെ നിശ്ചയദാര്‍ഢ്യത്തിന് ഉത്തമ ഉദാഹരണമാണ് റഫേല്‍ വിമാനങ്ങളെന്ന് അദ്ദേഹം പറഞ്ഞു. ട്വിറ്ററിലൂടെയായിരുന്നു അമിത് ഷായുടെ പ്രതികരണം.മറ്റുള്ളവയെ അപേക്ഷിച്ച് വേഗത മുതല്‍ ആയുധങ്ങള്‍ വഹിക്കുന്നതുവരെയുള്ള കാര്യങ്ങളില്‍ റഫേല്‍ ബഹുദൂരം മുന്നിലാണ്.
ആകാശത്ത് ഏത് വെല്ലുവിളിയേയും നേരിടാന്‍ പ്രാപ്തമായ യുദ്ധവിമാനങ്ങളാണ് ഇന്ത്യയിലെത്തിയതെന്നും രാജ്യത്തിന്റെ ആകാശപ്പോരാളികള്‍ക്ക് റഫേല്‍ മേല്‍ക്കൈ നേടിക്കൊടുക്കുമെന്നും അമിത് ഷാ പറഞ്ഞു.ഇന്ത്യയുടെ പ്രതിരോധ രംഗത്തെ ശക്തിപ്പെടുത്തുകയെന്നതാണ് കേന്ദ്രസര്‍ക്കാരിന്റെ ലക്ഷ്യം.
റഫേല്‍ വിമാനങ്ങളുടെ വരവ് ഇന്ത്യക്ക് അഭിമാന നിമിഷമാണ്. ഇന്നത്തെ ദിവസം ചരിത്രത്തില്‍ ഇടംനേടും. ലോകോത്തര നിലവാരമുള്ള റഫേല്‍ യുദ്ധവിമാനങ്ങള്‍ ഇന്ത്യയിലെത്തിച്ചതിന് പ്രധാനമന്ത്രി നരേന്ദ്ര മോദിക്കും പ്രതിരോധമന്ത്രി രാജ്‌നാഥ് സിംഗിനും വ്യോമസേനക്കും അമിത് ഷാ ആശംസകള്‍ നേര്‍ന്നു.
Post Your Comments