കെ.മധു, എസ്. എന്‍ സ്വാമി ടീമിന്റെ സി. ബി. ഐ ഡയറിക്കുറുപ്പിന്റെ അഞ്ചാം ഭാഗത്തിന്റെ പേര് ചിങ്ങം ഒന്നിന് മമ്മൂട്ടി പ്രഖ്യാപിക്കുമെന്ന് അറിയുന്നു.മമ്മൂട്ടിയുടെ ഫേസ് ബുക്ക് പേജിലൂടെയാണ് പേര് പുറത്തുവിടുക. നാലു മാസം മുന്‍പാണ് ചിത്രത്തിന്റെ തിരക്കഥ പൂര്‍ത്തിയായത്. സ്വര്‍ഗചിത്രയുടെ ബാനറില്‍ സ്വര്‍ഗചിത്ര അപ്പച്ചനാണ് സി. ബി ഐയുടെ അഞ്ചാം ഭാഗം നിര്‍മിക്കുക. ഗംഭീരമായ തിരക്കഥ എന്നാണ് സൂചന. ജൂലായില്‍ ചിത്രീകരണം ആരംഭിക്കാനിരുന്നതാണ്. ക്രിസ് മസ് റിലീസായി നിശ്ചയിക്കുകയും ചെയ് തിരുന്നു. ഇപ്പോഴത്തെ സാഹചര്യത്തില്‍ നിര്‍മാണം എപ്പോള്‍ ആരംഭിക്കാന്‍ കഴിയുമെന്ന് വ്യക്തമല്ല. എന്നാല്‍ ലോക് ഡൗണ്‍ കഴിഞ്ഞാല്‍ മമ്മൂട്ടി ആദ്യം അഭിനയിക്കുന്ന സിനിമ ഇതായിരിക്കുമെന്ന് സ്വര്‍ഗ ചിത്ര അപ്പച്ചന്‍ പറഞ്ഞു. വന്‍താര നിരതന്നെ ഇത്തവണയും അണി നിരക്കുന്നുണ്ട്. സി. ബി. ഐ സീരിസിലെ എല്ലാ സിനിമയും വിജയം നേടിയിരുന്നു. പതിമൂന്നു വര്‍ഷത്തെ ഇടവേള കഴിഞ്ഞു സ്വര്‍ഗചിത്ര വീണ്ടും നിര്‍മാണരംഗത്തേക്ക് വരികയാണ്.
Post Your Comments