തലശേരി: സ്വര്‍ണക്കടത്ത് കേസില്‍ ഫൈസല്‍ ഫരീദ് ദുബായിയില്‍ പിടിയിലായതോടെ ഫൈസല്‍ ഫരീദുമായി ആത്മബന്ധം പുലര്‍ത്തിയിരുന്ന മലയാളത്തിലെ മൂന്നു പ്രമുഖ നടിമാര്‍ അങ്കലാപ്പില്‍. ദുബായിയിലെ പല സ്ഥാപനങ്ങളുടേയും ഉദ്ഘാടനച്ചടങ്ങിന് ഫൈസല്‍വഴി എത്താറുള്ള നടിമാരാണ് ഇപ്പോള്‍ സംശയത്തിന്‍റെ നിഴലിലായിട്ടുള്ളത്. ദുബായിയിലെ സാമ്പത്തിക സ്ഥാപനത്തിലെ ഉന്നതനായ മാഹി സ്വദേശിയുടെ ചങ്കിടിപ്പും വര്‍ധിച്ചു.
ഇതിനിടയില്‍ ഇന്ത്യയല്ലാതെ മറ്റേതെങ്കിലും രാജ്യത്തേക്ക് ഫൈസലിനെ കടത്താന്‍ ദുബായിയിലെ ചില കേന്ദ്രങ്ങള്‍ ശ്രമിക്കുന്നുണ്ടെന്ന വിവരവും പുറത്തുവന്നിട്ടുണ്ട്. കേരളത്തില്‍ ഫൈസല്‍ എത്തിയാല്‍ കസ്റ്റംസും എന്‍ഐഎയും ഫൈസലിനെ ചോദ്യം ചെയ്യുകയും കേരളത്തിലെ ഭരണരംഗത്തെ പ്രമുഖരുമായി അടുപ്പമുള്ള പല ഉന്നതരും കുടുങ്ങുമെന്നുമാണ് ഒരു ഓൺലൈൻ മാധ്യമം റിപ്പോർട്ട് ചെയ്യുന്നത്.കൂടാതെ ഇവര്‍ ഫൈസല്‍ ഫരീ ദിനൊപ്പം ദുബായ് ചുറ്റി കറങ്ങാറുണ്ടെന്നും.
ദുബൈ മാളിലെ ബ്രാന്‍ഡഡ് വാനിറ്റിബാഗ് ഷോറൂമില്‍ നിന്നും ഈ നടിമാര്‍ക്ക് വിലപിടിപ്പുള്ള സമ്മാനങ്ങള്‍ നല്കാറുണ്ടെന്നും വിവരമുണ്ട്. ബുര്‍ജ് ഖലീഫയിലെ പ്രമുഖ വ്യവസായിയുടെ ഫ്ലാറ്റിലും ഫൈസല്‍ ഫരീദും നടിമാരും ഒപ്പം മാഹിയിലെ പ്രമുഖ വ്യവസായിയും എത്താറുണ്ടെന്നും വിവരമുണ്ട്. നടിമാര്‍ക്കു കള്ളക്കടത്തുമായി ബന്ധമുണ്ടോയെന്നു വ്യക്തമല്ലെങ്കിലും ഇടയ്ക്കിടെയുള്ള നടിമാരുടെ ദുബായ് യാത്ര ദുരൂഹത ഉളവാക്കിയിട്ടുണ്ട്.
Post Your Comments