ഇന്ത്യയില്‍ ഏറ്റവും കൂടുതല്‍ കോവിഡ് ബാധിതര്‍ ഉള്ള സംസ്ഥാനം മഹാരാഷ്ട്രയാണ്. കോവിഡ് കേസുകളില്‍ ഇന്ന് വന്‍ വര്‍ധനവാണ് ഉണ്ടായിരിക്കുന്നത്. കഴിഞ്ഞ 24 മണിക്കൂറിനുള്ളില്‍ 8,641 പുതിയ കേസുകളാണ് സംസ്ഥാനത്ത് റിപ്പോര്‍ട്ട് ചെയ്തിരിക്കുന്നത്. ഇതോടെ മഹാരാഷ്ട്രയില്‍ കോവിഡ് ബാധിച്ചവരുടെ എണ്ണം 284,281 ആയി ഉയര്‍ന്നു. ഇന്ന് 266 മരണങ്ങളും മഹാരാഷ്ട്രയില്‍ രേഖപ്പെടുത്തിയിട്ടുണ്ട്. സംസ്ഥാന ആരോഗ്യ വകുപ്പ് പുറത്തുവിട്ട കണക്കുകള്‍ പ്രകാരം കോവിഡ് ബാധിച്ച് മരിച്ചവരുടെ എണ്ണം 11,194 ആയി.
അതേസമയം മഹാരാഷ്ട്രയില്‍ ഏറ്റവും കൂടുതല്‍ രോഗബാധിതരുള്ള നഗരമായി മുംബൈ തുടരുകയാണ്. കഴിഞ്ഞ 24 മണിക്കൂറിനുള്ളില്‍ മുംബൈയില്‍ 1,498 പുതിയ കേസുകളും 56 മരണങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ട്. ഇതോടെ മുംബൈയില്‍ കോവിഡ് ബാധിച്ചവരുടെ എണ്ണം 97,751 ആയി ഉയര്‍ന്നു, കൂടാതെ മരണസംഖ്യ 5,520 ആയി.
മഹാരാഷ്ട്രയിലെ മൊത്തം പോസിറ്റീവ് കേസുകളില്‍ പകുതിയും ഇതുവരെ വീണ്ടെടുത്തിട്ടുണ്ട്. വ്യാഴാഴ്ച 5,527 പേരെ ആശുപത്രികളില്‍ നിന്ന് ഡിസ്ചാര്‍ജ് ചെയ്തു. ഇതോടെ രോഗമുക്തരായവരുടെ എണ്ണം 158,140 ആയി. സംസ്ഥാനത്ത് നിലവില്‍ 23,694 സജീവ കേസുകളാണ് ഉള്ളത്. സംസ്ഥാനത്ത് ഇതുവരെ 1,446,386 പേര്‍ക്ക് കോവിഡ് ടെസ്റ്റ് നടത്തി.
3,31,146 സജീവ കേസുകള്‍ ഉള്‍പ്പെടെ രാജ്യത്തെ ആകെ കോവിഡ് -19 കേസുകളുടെ എണ്ണം 9.68 ലക്ഷത്തിലെത്തി. സജീവമായ കേസുകളുടെ എണ്ണത്തില്‍ ക്രമാനുഗതമായ ഇടിവ് കേന്ദ്രസര്‍ക്കാര്‍ ഉയര്‍ത്തിക്കാട്ടിയിട്ടുണ്ട്. ജൂണ്‍ പകുതിയില്‍ ഇത് 45 ശതമാനമായിരുന്നു. ഇപ്പോള്‍ ഇത് 34.18 ശതമാനമാണ്.
Post Your Comments