ന്യൂഡല്‍ഹി : ഇന്ത്യ-ചൈന സംഘര്‍ഷത്തെ തുടര്‍ന്ന് തിരിച്ചടി നേരിട്ട് ചൈനീസ് മൊബൈല്‍ കമ്പനികള്‍. ഇതോടെ ചൈനീസ് ഫോണുകള്‍ക്ക് ഇന്ത്യയില്‍ വിലക്കുണ്ടായേക്കുമെന്ന സൂചനയെത്തുടര്‍ന്ന് നേട്ടം കൊയ്യാന്‍ കൂടുതല്‍ ഇന്ത്യന്‍ കമ്പനികള്‍ തയ്യാറെടുക്കുകയാണ്. മൈക്രോമാക്സിനു തൊട്ടു പിന്നാലെ പുതിയ ഫോണ്‍ അവതരിപ്പിക്കാനൊരുങ്ങുന്നത് ലാവ കമ്പനിയാണ്. ഷവോമി ഉള്‍പ്പെടെയുള്ള ചൈനീസ് കമ്പനികളുടെ കുത്തൊഴുക്കില്‍ താഴേയ്ക്കു പോയ കമ്പനികളിലൊന്നാണ് ലാവ.
Read Also : ഇന്ത്യ-ചൈന സംഘര്‍ഷം : പ്രശ്‌ന പരിഹാരത്തിന് യുഎസ് ഇടപെടുന്നു : യുഎസ് ഇടപെടലിനെ അംഗീകരിയ്ക്കാതെ ഇന്ത്യ
ജൂലൈയില്‍ ഇന്ത്യയില്‍ രണ്ട് സ്മാര്‍ട്ട്ഫോണുകള്‍ വിപണിയിലെത്തിക്കാനാണ് ലാവ മൊബൈല്‍സ് ഒരുങ്ങുന്നത്. ഫെബ്രുവരിയില്‍ അവസാന സ്മാര്ട്ട്ഫോണ് പുറത്തിറക്കിയതു മുതല്‍ കമ്പനി നിശബ്ദത പാലിച്ചുവെങ്കിലും ഇന്ത്യന്‍ ഉപഭോക്താക്കള്‍ക്കായി ഇന്ത്യന്‍ സ്മാര്ട്ട്ഫോണ് ബ്രാന്‍ഡായി മാറുകയാണ് കമ്പനിയുടെ ലക്ഷ്യം.
ചൈനീസ് ബ്രാന്‍ഡുകള്‍ക്കെതിരെ തിരിച്ചടി നേരിടുന്ന ഒരു സമയത്ത് വിപണിയില്‍ മത്സരം വര്‍ദ്ധിപ്പിക്കുന്നതിനായി ലാവ മൊബൈല്‍സ് അടുത്ത മാസം രണ്ട് സ്മാര്‍ട്ട്ഫോണുകള്‍ അവതരിപ്പിക്കും. നോയിഡ ആസ്ഥാനമായി പ്രവര്‍ത്തിക്കുന്ന ലാവ ബജറ്റ് ഫോണുകള്‍ക്കു പുറമേ പ്രീമിയം ഫോണുകള്‍ക്കായും ശ്രമിക്കുന്നുണ്ടെന്നാണ് സൂചനകള്‍. ലിസ്റ്റിങ് പ്ലാറ്റ്ഫോമിലെ സ്മാര്‍ട്ട്ഫോണിന്റെ സാന്നിധ്യം സൂചിപ്പിക്കുന്നത് ലാവ ഇസഡ് 66 ഇന്ത്യയില്‍ ലോഞ്ച് ചെയ്യുന്നുവെന്നാണ്.
പ്രോസസര്‍ വിവരങ്ങള്‍ ഉള്‍പ്പെടെ ലാവ ഇസഡ്66 നെക്കുറിച്ചുള്ള ചില പ്രധാന വിശദാംശങ്ങളും ലിസ്റ്റിംഗ് വെളിപ്പെടുത്തിയിട്ടുണ്ട്. ഇത് ആന്‍ഡ്രോയിഡ് 10 ല്‍ പ്രവര്‍ത്തിക്കും. ലാവയുടെ മുമ്പത്തെ ഓഫറുകള്‍ക്ക് ഒരു ഡെഡിക്കേറ്റഡ് ഇന്റര്‍ഫേസ് ഇല്ലായിരുന്നുവെങ്കിലും ബ്ലോട്ട്വെയര്‍ ആപ്ലിക്കേഷനുകള്‍ നിറഞ്ഞതായിരുന്നു.
Post Your Comments