മെഡിക്കല്‍ കോളജ്​ ആശുപത്രിയിൽ കോവിഡ്​ പരിശോധനക്കെത്തിച്ച രണ്ട്​ പ്രതികള്‍ രക്ഷപ്പെട്ടു

മലപ്പുറം: മഞ്ചേരി മെഡിക്കല്‍ കോളജ്​ ആശുപത്രിയില്‍ കോവിഡ്​ പരിശോധനക്കെത്തിച്ച രണ്ട്​ പ്രതികള്‍ രക്ഷപ്പെട്ടു. പോക്​സോ കേസ്​ പ്രതി മെഹബൂബ്​, ബൈക്ക്​ മോഷണ കേസ്​ പ്രതി റംഷാദ്​ എന്നിവരാണ്​ രക്ഷപ്പെട്ടത്​. തടവുപുള്ളികളിൽ കോവിഡ്​ സ്ഥിരീകരിക്കുന്ന പശ്​ചാത്തലത്തിൽ ഇവരെ റിമാൻഡ്​ ചെയ്യുന്നതിന്​ മുന്നോടിയായി പരിശോധനക്ക്​ വിധേയമാക്കുന്നുണ്ട്​. ഇതിന്റെ പശ്ചാത്തലത്തിലാണ് പോലീസ് കസ്​റ്റഡിയിലായിരുന്ന ഇരുവരേയും കോടതിയില്‍ ഹാജരാക്കുന്നതിന്​ മുൻപ് കോവിഡ് പരിശോധനയ്ക്കായി എത്തിച്ചത്. ഇവർക്കായി തെര​ച്ചിൽ നടക്കുകയാണ്.