കൊച്ചി: പാടത്ത് മനുഷ്യന്‍റെ അസ്ഥികൂടം കണ്ടെത്തിയ സംഭവത്തിൽ ഫോറന്‍സിക് വിദഗ്ധര്‍ പരിശോധന നടത്തും. ആലുവ-തടിയ്ക്കക്കടവ് റോഡില്‍ മില്ലുപടിക്കു സമീപമാണ് ഉപേക്ഷിച്ച നിലയില്‍ മനുഷ്യന്‍റെ അസ്ഥികൂടം കണ്ടെത്തിയത്. വ്യാഴാഴ്ച രാത്രി ഏഴോടെയാണ് അസ്ഥികൂടം കണ്ടെത്തിയത്.
സമീപവാസിയായ വ്യക്തി കാര്‍ഡ് ബോര്‍ഡ് പെട്ടി പാടത്ത് കിടക്കുന്നത് കണ്ട് പരിശോധിച്ചപ്പോഴാണ് അസ്ഥികൂടം കണ്ടത്. ഉടന്‍ തന്നെ ആലങ്ങാട് വെസ്റ്റ് പോലീസ് സറ്റേഷനില്‍ വിവരമറിക്കുകയായിരുന്നു. രണ്ടര അടിയോളം വലിപ്പമുള്ള കാര്‍ഡ് ബോര്‍ഡ് പെട്ടിയാലാക്കി തള്ളിയ നിലയിലായിരുന്നു അസ്തികൂടം. തലയോട്ടിയും മറ്റു അനുബന്ധ അസ്ഥികളുമാണ് പെട്ടിയിലുണ്ടായിരുന്നു.
മെഡിക്കല്‍ വിദ്യാര്‍ഥികള്‍ പഠിക്കാന്‍ ഉപയോഗിക്കുന്ന തലയോട്ടിയും അനുബന്ധ അസ്ഥികളുമാണെന്നാണ് പോലീസിന്‍റെ നിഗമനം. അസ്ഥിയുടെ ഭാഗത്ത് മാര്‍ക്കര്‍ കൊണ്ട് രേഖപ്പെടുത്തിയിട്ടുണ്ടെന്നും പോലീസ് പറയുന്നു.
Post Your Comments