നോർക്ക വഴി സൗദിയിലേക്ക് നഴ്‌സുമാർക്ക് നിയമനം

തിരുവനന്തപുരം: നോർക്ക റൂട്ട്സ് വഴി സൗദി അറേബ്യയിലെ പ്രമുഖ സ്വകാര്യ ആശുപത്രിയിലേയ്ക്ക് സ്റ്റാഫ് നഴ്‌സുമാരെ നിയമിക്കുന്നു. റിക്രൂട്ട്‌മെന്റ് ജൂൺ ആദ്യവാരം മുതൽ ആരംഭിക്കും. നഴ്‌സിംഗിൽ ബിരുദമുള്ള (ബി.എസ്.സി) 22നും 35നും മദ്ധ്യേ പ്രായമുള്ള വനിതകൾക്ക് അപേക്ഷിക്കാം. കുറഞ്ഞത് ഒരു വർഷത്തെ പ്രവൃത്തി പരിചയം വേണം. വിസ, താമസം, വിമാന ടിക്കറ്റ് എന്നിവ സൗജന്യമാണ്. ശമ്പളം 3500 മുതൽ 4050 സൗദി റിയാൽ വരെ (ഏകദേശം 70,000 രൂപ മുതൽ 80,000 രൂപ വരെ) ലഭിക്കും. താത്പര്യമുള്ളവർ വിശദമായ ബയോഡാറ്റ norkaksa19@gmail.com എന്ന ഇ-മെയിലിൽ അയക്കേണ്ടതാണ്. വിശദവിവരങ്ങൾ www.norkaroots.org വെബ്‍സൈറ്റിലും 00919061106777 എന്ന നമ്പറിലും ലഭിക്കും.