നാഷണല്‍ ടെസ്റ്റിങ് ഏജന്‍സി നടത്തുന്ന വിവിധ മത്സര പരീക്ഷകളിലേക്കുള്ള അപേക്ഷാത്തീയതി നീട്ടി

ദില്ലി : കോവിഡ്-19 വ്യാപനത്തിൽ വിദ്യാര്‍ഥികള്‍ക്കുണ്ടായ ബുദ്ധിമുട്ടുകള്‍ കണക്കിലെടുത്ത് നാഷണല്‍ ടെസ്റ്റിങ് ഏജന്‍സി വിവിധ മത്സര പരീക്ഷകള്‍ക്ക് അപേക്ഷിക്കാനുള്ള തീയതി നീട്ടി. ഐസിഎആര്‍, ജെഎന്‍യു പ്രവേശന പരീക്ഷ, യുജിസി നെറ്റ്, സിഎസ്‌ഐആര്‍ നെറ്റ് എന്നിവയുടെ അപേക്ഷാത്തീയതിയാണ് നീട്ടിയത്.

മുകളില്‍ പറഞ്ഞ പരീക്ഷകള്‍ക്ക് വിദ്യാര്‍ഥികള്‍ക്ക് അതാത് വെബ്‌സൈറ്റുകള്‍ വഴി മേയ് 31 വൈകീട്ട് 5 മണിവരെ അപേക്ഷിക്കാം. ഇതേദിവസം രാത്രി 11.50 വരെ ഫീസടയ്ക്കാനും അവസരമുണ്ടാകും. ഓണ്‍ലൈനായി മാത്രമേ ഫീസ് സ്വീകരിക്കുകയുള്ളൂ. കൂടുതല്‍ വിവരങ്ങള്‍ക്ക് നാഷണല്‍ ടെസ്റ്റിങ് ഏജന്‍സിയുടെ nta.ac.in എന്ന വെബ്‌സൈറ്റ് സന്ദര്‍ശിക്കുക. ഹെല്‍പ്പ്‌ലൈന്‍ നമ്പരുകള്‍: 8287471852, 8178359845, 9650173998, 9599676953, 8882356803