ആംബുലൻസിൽ ആശുപത്രിയിലേക്ക് കൊണ്ടു പോകുന്നതിനിടെ തമിഴ്നാട് സ്വദേശി അക്രമാസക്തനായി: ജനാലയിലൂടെ പുറത്ത്ചാടി ചില്ല് തകർത്തു

ഒറ്റപ്പാലം: ആംബുലൻസിൽ ആശുപത്രിയിലേക്ക് കൊണ്ടു പോകുന്നതിനിടെ തമിഴ്നാട് സ്വദേശി അക്രമാസക്തനായി. ഇന്നു പുലർച്ചെ പത്തിരിപ്പാലയിലാണു സംഭവം. പറളിക്കടുത്ത് തേനൂരിൽ നിന്നാണ് പോലീസ് ഇയാളെ തടഞ്ഞത്. ആംബുലൻസിന്റെ ജനാലയിലൂടെ പുറത്തുചാടിയ യുവാവിന്റെ കല്ലേറിൽ ആംബുലൻസിന്റെ ജനാലച്ചില്ല് തകർന്നു. ഒറ്റപ്പാലം താലൂക്ക് ആശുപത്രിയിലെത്തിച്ച ശേഷവും പ്രശ്നക്കാരനായി തുടർന്ന യുവാവിനെ പോലീസ് അകമ്പടിയോടെ ജില്ലാ ആശുപത്രിയിലെത്തിച്ചു.