പാകിസ്താന്റെ ഇന്ത്യാ വിരുദ്ധ പ്രചാരണത്തെ പിന്തുണച്ച ഡൽഹി മൈനോറിറ്റി കമ്മീഷൻ ചെയർമാൻ സഫറുൽ ഇസ്ലാമിനെതിരെ പരാതി

ന്യൂഡൽഹി : അറബ് രാഷ്ട്രങ്ങൾ പോലും തള്ളിക്കളഞ്ഞ പാകിസ്താന്റെ ഇന്ത്യാ വിരുദ്ധ പ്രചാരണത്തെ പിന്തുണച്ച ഡൽഹി ന്യൂനപക്ഷ കമ്മീഷൻ ചെയർമാൻ സഫറുൾ ഇസ്ലാം ഖാനെതിരെ പരാതി. ഇന്ത്യക്കെതിരെ നിലപാടെടുത്തതിനാണ് കുവൈത്തിന് ഖാൻ നന്ദി പറഞ്ഞത്. എന്നാൽ കുവൈറ്റ് തന്നെ ഇത് വ്യാജ പ്രചാരണമാണെന്നു പ്രസ്താവിച്ചു രംഗത്തെത്തിയിരുന്നു. ഇന്ത്യയിലെ മുസ്ലിങ്ങളെ പീഡിപ്പിച്ചാൽ അറബ് രാജ്യങ്ങൾ അതിൽ ഇടപെടാതിരിക്കുമെന്ന് കരുതുന്നുണ്ടോ എന്നും സഫറുൾ ഇസ്ലാം ഖാൻ ചോദിച്ചിരുന്നു.

ഇന്ത്യക്കെതിരെ പാക് പിന്തുണയുള്ള അറബ് ട്വിറ്റർ ഐഡികളിൽ നിന്ന് വന്ന പരാമർശങ്ങൾ ചൂണ്ടിക്കാട്ടിയായിരുന്നു ഖാന്റെ പരാമർശം. എന്നാൽ ഇതിൽ പലതും വ്യാജ ഐഡികളായിരുന്നു. മാത്രമല്ല പാകിസ്താന്റെ സൈബർ പ്രചാരണങ്ങൾ ഇന്ത്യയുമായുള്ള ബന്ധത്തെ ഒരു കാരണവശാലും തടസ്സപ്പെടുത്തില്ലെന്ന് ഗൾഫ് രാജ്യങ്ങൾ വ്യക്തമാക്കിയിരുന്നു. ഇതിനു പിന്നാലെയാണ് വ്യാജ അക്കൗണ്ടുകൾ പരാമർശിച്ച് കൊണ്ട് സഫറുൾ ഇസ്ലാം ഖാന്റെ ഭീഷണി.

തത്കാലം അറബ് രാജ്യങ്ങളോട് പരാതി പറയുന്നതേ ഉള്ളൂവെന്നും അതിനപ്പുറം ചെയ്ത് തുടങ്ങിയാൽ അത് നേരിടാൻ ആർക്കും കഴിയില്ലെന്നും ഇയാൾ ഭീഷണിപ്പെടുത്തുന്നു. ഭീകരവാദക്കേസുകളിൽ എൻ.ഐ.എ അന്വേഷിക്കുന്ന സക്കീർ നായിക്ക് വളരെ ആദരണീയനാണെന്ന പരാമർശവും ഇയാൾ നടത്തിയിട്ടുണ്ട്. അതേസമയം സഫറുൾ ഇസ്ലാം ഖാനെതിരെ മുഖ്യമന്ത്രി അരവിന്ദ് കെജ്രിവാൾ നടപടിയെടുക്കണമെന്ന് ആവശ്യമുയരുന്നുണ്ട്. നേരത്തെ തന്നെ തീവ്രവാദ സംഘടനകളുമായി അടുത്ത ബന്ധം സൂക്ഷിക്കുന്ന ആളാണ് ഖാൻ.

തീവ്രവാദ സംഘടനയായ പോപ്പുലർ ഫ്രണ്ടിനൊപ്പം പല പരിപാടികളിൽ ഇയാൾ പങ്കെടുത്തിട്ടുണ്ട്. ഇദ്ദേഹത്തിനെതിരെയുള്ള പരാതി ഹിന്ദുക്കളെ ഭീഷണിപ്പെടുത്തുകയും കുപ്രസിദ്ധ റാഡിക്കൽ ഇസ്ലാമിസ്റ്റ് സാക്കിർ നായിക്കിനെ പ്രശംസിക്കുകയും ചെയ്തു. ദില്ലി ആസ്ഥാനമായുള്ള അഭിഭാഷകൻ പ്രശാന്ത് ഉംറാവു പട്ടേലും കൂടാതെ അങ്കിത് ഗുപ്തയുമാണ് സഫറുൽ ഇസ്ലാം ഖാനെതിരെ എഫ്‌ഐആർ ഫയൽ ചെയ്തത്.ഇന്ത്യൻ പെനാൽറ്റി കോഡ് 1860 ലെ സെക്ഷൻ 121, 124 എ, 153 എ, 506, ഇൻ‌ഫർമേഷൻ ടെക്നോളജി ആക്റ്റ് 2000 ലെ 66 എഫ് വകുപ്പ് എന്നിവ പ്രകാരം സഫറുലിനെതിരെ എഫ്‌ഐ‌ആർ രജിസ്റ്റർ ചെയ്തിട്ടുണ്ട്.

‘ധനിക വ്യവസായികൾക്ക് ശതകോടികള്‍ ലോണ്‍ കൊടുത്തത് കോണ്‍ഗ്രസ്സ്, പണം തിരിച്ച്‌ പിടിക്കുന്നത് ബി.ജെ.പി സര്‍ക്കാര്‍, എന്നിട്ടും കടം എഴുതി തള്ളി എന്ന് കളവ്’- കോൺഗ്രസിനെതിരെ രൂക്ഷ വിമർശനം

50 ഓളം പേർ മരിച്ച ഡൽഹി കലാപവുമായി ബന്ധപ്പെട്ട് യുവാക്കളെ ക്രമരഹിതമായി അറസ്റ്റ് ചെയ്തതിന് ഉചിതമായ നടപടി സ്വീകരിക്കണമെന്ന് ആവശ്യപ്പെട്ട് ദില്ലി ന്യൂനപക്ഷ കമ്മീഷൻ ചെയർമാൻ പോലീസ് കമ്മീഷണർക്ക് നോട്ടീസ് നൽകിയിരുന്നു.വടക്കുകിഴക്കൻ മേഖലയിലെ യുവാക്കളെ ക്രമരഹിതമായി കൂട്ടിക്കൊണ്ടുപോകുന്നതിൽ നിന്ന് വിട്ടുനിൽക്കാൻ ഗ്രൗണ്ട് സ്റ്റാഫിന് നിർദ്ദേശം നൽകണമെന്ന് നോട്ടീസ് ദില്ലി പോലീസ് കമ്മീഷണറോട് ആവശ്യപ്പെട്ടു.

Filed a complaint against Dr Zafarul-Islam, Chairman, Delhi Minority Commission for making a provocative statement. pic.twitter.com/nZSvK49KF5

— Ankit Gupta (@AnkitGupta0) April 30, 2020

ഇത്തരത്തിൽ ക്രിമിനലുകളെ സംരക്ഷിക്കുന്ന നിലപാടാണ് ഇയാൾ എടുത്തത്. മുതിർന്ന പത്രപ്രവർത്തകനും പണ്ഡിതനും നിരവധി പുസ്തകങ്ങളുടെ രചയിതാവുമാണ് സഫറുൽ-ഇസ്ലാം ഖാൻ. 2000 ജനുവരി മുതൽ 2016 ഡിസംബർ വരെ ദ മില്ലി ഗസറ്റിന്റെ ചീഫ് എഡിറ്ററായിരുന്ന അദ്ദേഹം ഇന്ത്യൻ മുസ്‌ലിം സംഘടനകളുടെ സംഘമായ അഖിലേന്ത്യാ മുസ്‌ലിം മജ്‌ലിസ് ഇ മുഷവരത്തിന്റെ മൂന്ന് തവണ പ്രസിഡന്റ് ആയിരുന്നു. മൂന്നുവർഷത്തേക്ക് 2017 ജൂലൈ 15 നാണ് ദില്ലി ന്യൂനപക്ഷ കമ്മീഷൻ ചെയർമാനായി നിയമിതനായത്.