കോവിഡ് ബാധിതരുടെ എണ്ണം പ​തി​നാ​യി​രം പിന്നിട്ടു, ആശങ്കയിൽ മ​ഹാ​രാ​ഷ്ട്ര​

മുംബൈ : കനത്ത ആശങ്കയിൽ മഹാരാഷ്ട്ര, കോവിഡ് ബാധിതരുടെ എണ്ണം പ​തി​നാ​യി​രം പിന്നിട്ടു. സം​സ്ഥാ​ന​ത്ത് 583 പേ​ർക്ക് കൂടി വ്യാ​ഴാ​ഴ്ച രോ​ഗം സ്ഥി​രീ​ക​രി​ച്ച​​തോ​ടെ കോവിഡ് ബാ​ധി​ത​രു​ടെ എ​ണ്ണം 10, 490ലെത്തി. 27 പേർ കൂടി ഇന്ന് മരണപ്പെട്ടപ്പോൾ കോവിഡ് ബാധിച്ച് മരിച്ചവരുടെ എണ്ണം 450 ആ​യി ഉ​യ​ർ​ന്നു. ഇന്ന് മരിച്ചവരിൽ 20പേരും മുംബൈയിൽ നിന്നുള്ളവരാണ്. 7,061 പേ​ർ​ക്കാ​ണ് ഇവിടെ രോഗം ബാധിച്ചത്. പൂനെയിൽ 1,379 പേ​ർ​ക്ക് രോ​ഗം സ്ഥി​രീ​ക​രി​ച്ചു. 80പേർ മരണപ്പെട്ടു.

Also read : ദുബായില്‍ മരിച്ച പ്രവാസി വ്യവസായി ജോയി അറയ്ക്കലിന്റെ മൃതദേഹം കേരളത്തിലെത്തി : സംസ്‌കാരം കര്‍ശന നിയന്ത്രണത്തില്‍

അതേസമയം രാജ്യത്ത് കഴിഞ്ഞ 24 മണിക്കൂറിനിടെ 1,823 പേര്‍ക്ക് രോഗം സ്ഥിരീകരിച്ചതോടെ ഇന്ത്യയിൽ വൈറസ് ബാധിതരുടെ എണ്ണം 33,610ലെത്തിയതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. 24,162 പേരാണ് ചികിത്സയിലുള്ളത്. 8,372 പേര്‍ക്ക് രോഗം ഭേദമായി. 1075 പേർ വൈറസ് ബാധിച്ച് മരിച്ചു.