വഡോദര: പാന്‍മസാല മോഷ്ടിച്ച കള്ളന് കോവിഡ് സ്ഥിരീകരിച്ചതിന് പിന്നാലെ ഇയാളെ പിടികൂടിയെ നാലംഗ പൊലീസ് സംഘത്തിലെ ഹെഡ് കോണ്‍സ്റ്റബിളിന് രോഗബാധ സ്ഥിരീകരിച്ചു. തുടര്‍ന്ന് കൂട്ടുപ്രതിയും മൂന്ന് പൊലീസ് ഉദ്യോഗസ്ഥരും നിരീക്ഷണത്തിലായി. ഇവരുടെ സാമ്പിളുകള്‍ ശേഖരിച്ചിട്ടുണ്ട്. ഗുജറാത്തിലെ വഡോദരയിലെ ദാബോയിലാണ് സംഭവം. ചൊവ്വാഴ്ചയായിരുന്നു മോഷ്ടാവിനെ പിടികൂടിയത്.
ടിംബി ഗ്രാമത്തിലെ റെയില്‍വേ ക്രോസിംഗിന് സമീപമുള്ള കടയില്‍നിന്ന് 4265 രൂപ വിലവരുന്ന പാന്‍മസാല മോഷ്ടിച്ച കേസിലായിരുന്നു 52കാരനെ പൊലീസ് സംഘം പിടികൂടിയത്. പിന്നീട് പ്രതികളെ പൊലീസ് വൈദ്യപരിശോധനയ്ക്ക് അയച്ചതില്‍ ഒരാള്‍ക്ക് കോവിഡ് സ്ഥിരീകരിക്കുകയായിരുന്നു. ഇതേ തുടര്‍ന്ന് പ്രതികളെ പിടികൂടിയ സംഘത്തിലെ നാല് പോലീസ് ഉദ്യോഗസ്ഥരുടെ സാമ്പിളുകളും പരിശോധനയ്ക്ക് അയച്ചപ്പോളാണ് ഹെഡ്കോണ്‍സ്റ്റബിളിനും കോവിഡ് സ്ഥിരീകരിച്ചത്. ഇതോടെ ബാക്കിയുള്ള മൂന്ന് പൊലീസുകാരെ വീടുകളില്‍ നിരീക്ഷണത്തില്‍ പാര്‍പ്പിച്ചിരിക്കുകയാണ്.
Post Your Comments