പരാഗ്വേ ജയിലില്‍ കഴിയുന്ന ഫുട്‌ബോള്‍ ഇതിഹാസം റൊണാള്‍ഡീഞ്ഞ്യോ ജയിലിലെ തടവുകാരെയും ഉദ്യോഗസ്ഥരെയും ഞെട്ടിച്ചിരിക്കുകയാണ്. ജയിലില്‍ ഫുട്‌ബോള്‍ കളിച്ചാണ് താരം എല്ലാവരെയും ഞെട്ടിച്ചത്. ഇന്നലെ നടന്ന ജയിലിലെ ഫുട്‌ബോള്‍ മത്സരത്തില്‍ റൊണാള്‍ഡിഞ്ഞ്യോയുടെ ടീം വിജയിക്കുകയും ചെയ്തു. അഞ്ചു ഗോളും ആറ് അസിസ്റ്റുമാണ് താരം കളിയില്‍ നടിയതെന്ന് പരാഗ്വേ മാധ്യമങ്ങള്‍ റിപ്പോര്‍ട്ട് ചെയ്യുന്നു.
15 കിലോയുള്ള പന്നിക്കുട്ടി ആയിരുന്നു മത്സര വിജയികള്‍ക്കുള്ള സമ്മാനം. അത് റൊണാള്‍ഡീഞ്ഞ്യോയുടെ ടീം സ്വന്തമാക്കുകയും ചെയ്തു. വ്യാജ പാസ്‌പോര്‍ട് ഉപയോഗിച്ചതിനാണ് റൊണാള്‍ഡിഞ്ഞ്യോ ഇപ്പോള്‍ പരാഗ്വേ ജയിലില്‍ കഴിയുന്നത്. താരത്തിനൊപ്പം അദ്ദേഹത്തിന്റെ സഹോദരനും ജയിലില്‍ ഉണ്ട്. ഇതുവരെ റൊണാള്‍ഡീനോയുടെ മോചനത്തിനുള്ള കാര്യങ്ങള്‍ ശരിയായിട്ടില്ല.
Post Your Comments