ദുബായില്‍ വാനും ട്രക്കും കൂട്ടിയിടിച്ച് മലയാളി മരിച്ചു

ദുബായ്: ദുബായിയിലുണ്ടായ വാഹനാപകടത്തില്‍ മലയാളി യുവാവ് മരിച്ചു. മലപ്പുറം സ്വദേശി മുഹമ്മദ് സവാദാണ് മരിച്ചത്. കൂടെയുണ്ടായിരുന്ന മുഹമ്മദ് അബ്ദുല്‍ ബാരി(42)ക്ക് പരിക്കേറ്റു. ഷെയ്ക് സെയ്ദ് റോഡില്‍ വെള്ളിയാഴ്ച വൈകുന്നേരം അഞ്ചരയോടെയാണ് അപകടമുണ്ടായത്. ഇവര്‍ സഞ്ചരിച്ച വാഹനം ട്രക്കുമായി കൂട്ടിയിടിക്കുകയായിരുന്നു.

ഇരുവരും അബുദാബിയില്‍ നിന്ന് ബിസിനസ് ആവശ്യാര്‍ത്ഥം വാനില്‍ ദുബായിയിലേക്ക് വരികയായിരുന്നുവെന്നും തിരിച്ച് പോകും വഴിയാണ് വാഹനമിടിച്ചതെന്ന് മാധ്യമങ്ങള്‍ റിപ്പോര്‍ട്ട് ചെയ്തു.