മിനി ബസിന് മുകളിൽ കണ്ടെയ്നർ വീണ് ഡ്രൈവർ മരിച്ചു

ഉമ്മുൽഖുവൈൻ ∙ മിനിബസിന് മുകളിലേയ്ക്ക് കണ്ടെയ്‌നർ വീണു പാക്കിസ്ഥാനി ഡ്രൈവർ മരിക്കുകയും യാത്രക്കാരനായ ശ്രീലങ്കക്കാരനു ഗുരുതര പരുക്കേൽക്കുകയും ചെയ്തു. ഞായറാഴ്ച വൈകിട്ട് യുഇഎയിലെ ഉമ്മുൽഖുവൈൻ അൽ അഖ്റാൻ സ്ട്രീറ്റിലായിരുന്നു അപകടം.

ട്രക്കിൽ കൊണ്ടുപോകുകയായിരുന്ന കണ്ടെയ്നർ അടുത്ത വരിയിൽ സഞ്ചരിച്ചിരുന്ന മിനിബസിന് മുകളിലേയ്ക്ക് വീഴുകയായിരുന്നു. ട്രക്കിൽ കണ്ടെയ്നർ ശരിയായി ഉറപ്പിച്ച് വയ്ക്കാത്തതാണ് അപകടകാരണമെന്ന് പൊലീസ് പറഞ്ഞു.  ഡ്രൈവർ സംഭവ സ്ഥലത്തു തന്നെ മരിച്ചു. പരുക്കേറ്റ ശ്രീലങ്കൻ സ്വദേശിയെ ആശുപത്രിയിൽ ചികിത്സയിലാണ്.