ഫെബ്രുവരി മാസത്തെ ഇന്ധന വില പ്രഖ്യാപിച്ച് യുഎഇ

ദുബായ് : ഫെബ്രുവരി മാസത്തെ ഇന്ധന വില പ്രഖ്യാപിച്ച് യുഎഇ. തുടർച്ചയായ മൂന്നാം മാസവും പെട്രോൾ വിലയിൽ മാറ്റമില്ല. സൂപ്പർ 98പെട്രോൾ വില, ലിറ്ററിന് 2.24 ദിർഹവും, സ്പെഷ്യൽ 95 ലിറ്ററിന് 2.12ദിർഹവുമായി തുടരും.

ഡീസലിന് നേരിയ തോതിൽ വില വർദ്ധിപ്പിച്ചു, ലിറ്ററിന് 2.40 ദിർഹമാണ് വില. രണ്ടു മാസങ്ങൾക്ക് ശേഷമാണ്  വില കൂടിയിരിക്കുന്നത്. ജനുവരിയിലും, ഡിസംബറിലും ലിറ്ററിന് 2.38 ദിർഹമായിരുന്നു വില. അതോടൊപ്പം തന്നെ ഈ മാസങ്ങളിലെ പെട്രോൾ വിലയാണ് ഫെബ്രുവരിയിലും തുടരുന്നത്.