ഇന്ത്യക്കെതിരെയുള്ള മൂന്ന് ഏകദിന മത്സരങ്ങള്‍ക്കുള്ള ന്യൂസിലാന്‍ഡ് ടീമിനെ പ്രഖ്യാപിച്ചു. ലോകകപ്പ് ഫൈനലിലെ തോല്‍വിക്ക് ശേഷം ന്യൂസിലാന്‍ഡ് കളിക്കുന്ന ആദ്യ ഏകദിന മത്സരം കൂടിയാണിത്. ന്യൂസിലാന്‍ഡ് നിരയില്‍ കെയ്ല്‍ ജാമിസണ്‍ ആണ് ടീമിലെ പുതുമുഖം. ഓസ്ട്രേലിയക്കെതിരെ പരിക്കേറ്റ് പുറത്തായ ടോം ലതാമും ടീമില്‍ ഇടം നേടിയിട്ടുണ്ട്.
അതെസമയം ഫാസ്റ്റ് ബൗളര്‍മാരായ ട്രെന്റ് ബോള്‍ട്ട്, ലോക്കി ഫെര്‍ഗുസന്‍, മാറ്റ് ഹെന്റി എന്നിവര്‍ പരിക്ക് മൂലം ടീമില്‍ ഇടം പിടിച്ചിട്ടില്ല. മൂന്ന് താരങ്ങള്‍ക്കും ഓസ്‌ട്രേലിയന്‍ പര്യടനത്തിനിടെയാണ് പരിക്കേറ്റത്. ലോകകപ്പിന് ശേഷം കളിച്ച ഓസ്ട്രേലിയക്കെതിരായ ടെസ്റ്റ് പരമ്പര തോറ്റ ന്യൂസിലാന്‍ഡ് ഇന്ത്യക്കെതിരായ ട്വന്റി20 പരമ്പരയിലെ ആദ്യ മൂന്ന് മത്സരങ്ങളും തോറ്റിരുന്നു.
കെയ്ന്‍ വില്യംസണ്‍ (നായകന്‍), ഹാമിഷ് ബെന്നറ്റ്, റോസ് ടെയ്ലര്‍, ടോം ബ്ലണ്ടല്‍, കോളിന്‍ ഡി ഗ്രാന്‍ഹോം, മാര്‍ട്ടിന്‍ ഗുപ്റ്റില്‍, കെയ്ല്‍ ജാമിസണ്‍, സ്‌കോട്ട് കുഗ്ഗെലിജന്‍, ടോം ലതാം, ജിമ്മി നീഷാം, ഹെന്റി നിക്കോള്‍സ്, മിച്ചല്‍ സാന്റ്നര്‍, ഇഷ് സോധി, ടിം സൗത്തി.
Post Your Comments