3000 ലിറ്റർവരെ എല്ലാ ഉപഭോക്താക്കൾക്കും കുടിവെള്ളം സൗജന്യമായിരിക്കുമെന്ന് ജല അതോറിറ്റി ശുപാർശ

തിരുവനന്തപുരം: എല്ലാ ഉപഭോക്താക്കൾക്കും കുടിവെള്ളം 3000 ലിറ്റർവരെ സൗജന്യമായിരിക്കുമെന്ന് ജല അതോറിറ്റി ശുപാർശ. അതിനുമുകളിൽ സ്ളാബ് തിരിച്ചാകും നിരക്ക് നിശ്ചയിക്കുക. സംസ്ഥാനത്ത് കുടിവെള്ളനിരക്ക് അവസാനമായി കൂട്ടിയത് 2014-ലാണ്. കുടിവെള്ളം ശുദ്ധീകരിക്കുന്നതിന്റെ മൂന്നിലൊന്നുമാത്രമാണ് വരവായി ലഭിക്കുന്നത്. 1000 ലിറ്റർ വെള്ളം ശുദ്ധീകരിക്കാൻ 24 രൂപയോളം ചെലവാകും. എന്നാൽ, ഒമ്പതുരൂപയാണ് വരുമാനം.

ALSO READ: രണ്ടായിരത്തോളം വരുന്ന ഹീമോഫീലിയ രോഗികളുടെ മരണവെപ്രാളം സർക്കാർ കണ്ടില്ലെന്ന് നടിക്കുന്നു; വിമർശനവുമായി രമേശ് ചെന്നിത്തല

3000 ലിറ്ററിനുമുകളിൽ വിവിധ സ്ലാബുകളെ അടിസ്ഥാനമാക്കി നിരക്ക് കൂട്ടണം എന്നാണ് തീരുമാനം. 1200 കോടിയോളം രൂപയുടെ കുടിശ്ശിക അതോറിറ്റിക്കുണ്ട്. വർഷം 300 കോടിയോളം രൂപ വൈദ്യുതചാർജ് ഇനത്തിൽ വരുന്നുണ്ട്.