ഒളിമ്പ്യൻ ടിന്റു ലൂക്ക വിവാഹിതയാകുന്നു, വരൻ പ്രശസ്ത കോച്ച്

മലയാളികളുടെ പ്രിയ കായിക താരം ടിന്റു ലൂക്ക വിവാഹിതയാകുന്നു. പി.ടി ഉഷയുടെ ശിഷ്യയായി കായിക രംഗത്ത് എത്തി 800 മീറ്ററിൽ രാജ്യാന്തര നേട്ടങ്ങൾ കൈവരിച്ച കായിക താരമാണ് ടിന്റു ലൂക്ക. കണ്ണൂർ സ്വദേശിയും പരിശീലകനുമായ അനൂപാണ് വരൻ. മുന്‍ ട്രിപ്പിള്‍ ജമ്പ് താരം കൂടിയാണ് അനൂപ്. കണ്ണൂര്‍ ജില്ലയിലെ ഇരിട്ടി കരിക്കോട്ടക്കരി സ്വദേശിനിയാണ് ടിന്റു. 800 മീറ്റര്‍ ഓട്ടത്തില്‍ ഇന്ത്യയുടെ ദേശീയ റെക്കോര്‍ഡായ 1:59.17 സെക്കന്റ് ടിന്റുവിന്റെ പേരിലാണ്. ഷൈനി വില്‍സന്റെ 1:59.85 സെക്കന്റ് എന്ന 15 വര്‍ഷം പഴക്കമുള്ള റെക്കോര്‍ഡാണ് ടിന്റു മറികടന്നത്. രണ്ടു ദിവസം മുമ്പായിരുന്നു ഇരുവരുടെയും മനസമ്മതം.