ആഭ്യന്തര വിപണിയിൽ വൻ കുതിപ്പ്; അഭിമാനകരമായ നേട്ടം കൈവരിച്ച് ഇന്ത്യ

മുംബൈ: ആഭ്യന്തര വിപണിയിൽ വൻ കുതിപ്പ് കൈവരിച്ച് രാജ്യം. ആഭ്യന്തര വിപണിയിൽ 2,613 കോടി രൂപ നിക്ഷേപിച്ച് ഡിസംബറിൽ വിദേശ നിക്ഷേപകർ തങ്ങളുടെ സാന്നിധ്യം ശക്തിപ്പെടുത്തി. പ്രധാനമായും കോർപ്പറേറ്റ് വരുമാനത്തിൽ പുനരുജ്ജീവനമുണ്ടാകുമെന്ന പ്രതീക്ഷ, യുഎസ് ഫെഡറല്‍ റിസര്‍വിന്‍റെ നയം, ആഗോളതലത്തിൽ സെൻട്രൽ ബാങ്കുകളുടെ ഫണ്ട് ഇൻഫ്യൂഷൻ എന്നിവയാണ് നിക്ഷേപ വര്‍ധനയ്ക്ക് സഹായിച്ചത്.

ഇക്വിറ്റികളിലേക്ക് 6,301.96 കോടി രൂപയാണ് വിദേശ പോര്‍ട്ട്ഫോളിയോ നിക്ഷേപകര്‍ (എഫ്പിഐ) നിക്ഷേപിച്ചതെന്നും 3,688.94 രൂപ ഡെബ്റ്റ് വിഭാഗത്തിൽ നിന്ന് പിൻ‌വലിച്ചതായും ഡെപ്പോസിറ്ററികളുടെ കണക്കുകൾ വ്യക്തമാക്കുന്നു.

മൊത്തം നിക്ഷേപം ഇതിന്റെ ഫലമായി 2,613.02 കോടി രൂപയായി വളര്‍ന്നു. സാമ്പത്തിക മുന്നണിയിലും നയപരമായ വിഷയങ്ങളിലും വെല്ലുവിളികൾ ഉണ്ടായിരുന്നിട്ടും, എഫ്‌പി‌ഐകൾക്ക് ഇന്ത്യൻ ഇക്വിറ്റി മാർക്കറ്റുകളിൽ വിശ്വാസമുണ്ട് എന്ന് തെളിയിക്കുന്നതാണ് ഈ റിപ്പോര്‍ട്ടുകള്‍.

ALSO READ: കരുത്തോടെ മോദി സർക്കാർ: ഇന്ത്യ 2026ൽ ലോകത്തെ നാലാമത്തെ വലിയ സാമ്പത്തിക ശക്തിയാകുമെന്ന് റിപ്പോർട്ട്

കോർപ്പറേറ്റ് നികുതി നിരക്ക് കുറയ്ക്കൽ, റെറ തുടങ്ങി നിരവധി ഘടകങ്ങൾ കണക്കിലെടുത്ത് 2019 ൽ എഫ്‌പിഐകൾ ഇന്ത്യയില്‍ ബുള്ളിഷ് ആയി തുടർന്നു. ഇന്ത്യൻ ഓഹരി വിപണിയിലെ മൂല്യനിർണയം വളരെ ഉയർന്നതാണ്. “ഇന്ത്യയ്ക്കുള്ളിലെ ഘടകങ്ങൾക്ക് പുറമെ, യു‌എസ്‌എയിലെ കുറഞ്ഞ പലിശനിരക്ക്, ജപ്പാൻ പോലുള്ള സമ്പദ്‌വ്യവസ്ഥകളിലെ പലിശനിരക്ക്, യൂറോപ്പിന്റെ ചില ഭാഗങ്ങളിൽ നെഗറ്റീവ് പലിശനിരക്ക് എന്നിവ ഉൾപ്പെടെയുള്ള അന്താരാഷ്ട്ര ഘടകങ്ങളും ഇന്ത്യയിലേക്ക് നിക്ഷേപരെ നയിക്കുന്നു,” ഗ്രോവ് സഹസ്ഥാപകനും സിഒഒയുമായ ഹർഷ് ജെയിൻ ഗ്രോ പറഞ്ഞു.