ന്യൂഡല്‍ഹി•രാജ്യവ്യാപകമായി പൗരത്വ വിരുദ്ധ ഭേദഗതി നിയമത്തിനെതിരെ പ്രതിഷേധം നടന്നുവരവേ, , പുതുതായി ഭേദഗതി വരുത്തിയ വിവാദ നടപടിയെ പിന്തുണച്ചതിന് ബഹുജൻ സമാജ് പാർട്ടി (ബിഎസ്പി) എം.എല്‍.എയെ പാര്‍ട്ടിയില്‍ നിന്ന് പുറത്താക്കി. എം‌എൽ‌എ റമാബായ് പാരിഹറിനെയാണ് ബി.എസ്.പി മേധാവി മായാവതി പാര്‍ട്ടിയില്‍ നിന്ന് പുറത്താക്കിയത്?
പാകിസ്ഥാൻ, ബംഗ്ലാദേശ്, അഫ്ഗാനിസ്ഥാൻ എന്നിവിടങ്ങളിൽ നിന്നുള്ള മുസ്ലീം ഇതര കുടിയേറ്റക്കര്‍ക്ക് പൗരത്വം നല്കാന്‍ ലക്ഷ്യമിട്ടുള്ള വിവാദപരമായ നടപടിയ്ക്ക് പിന്തുണ നല്‍കിയതിന് മധ്യപ്രദേശ് എം‌എൽ‌എയെ പാർട്ടിയിൽ നിന്ന് സസ്‌പെൻഡ് ചെയ്തതായി ബിഎസ്പി മേധാവി ട്വീറ്റിൽ പറഞ്ഞു.
മധ്യപ്രദേശിലെ ദാമോ ജില്ലയിലെ പത്താരിയ നിയമസഭാ സീറ്റിൽ നിന്നുള്ള നിയമസഭാംഗം സി‌എ‌എ വിഷയത്തില്‍ പ്രധാനമന്ത്രി നരേന്ദ്ര മോദിയെ പ്രശംസിച്ചതിനെ തുടർന്നാണ് നടപടി.
സി‌എ‌എയ്‌ക്കെതിരെ രാജ്യവ്യാപകമായി നടക്കുന്ന പ്രതിഷേധത്തിനിടയിലാണ് ഏറ്റവും പുതിയ സംഭവവികാസം.
ഡിസംബർ 13 ന് പ്രസിഡന്റ് രാം നാഥ് കോവിന്ദ് നിയമനിർമ്മാണത്തിന് അനുമതി നൽകിയതിനെത്തുടർന്ന് 2019 ലെ പൗരത്വ (ഭേദഗതി) ബിൽ നിയമമായത്.
വിവാദമായ സി‌എ‌എയെ ഭരണഘടനാ വിരുദ്ധമെന്ന് ബിഎസ്പി നേരത്തെ വിശേഷിപ്പിക്കുകയും പാർലമെന്റിൽ അതിനെതിരെ വോട്ട് ചെയ്യുകയും ചെയ്തിരുന്നു. പുതിയ നിയമം പിൻവലിക്കണമെന്നും രാഷ്ട്രപതിയോട് ആവശ്യപ്പെട്ടിരുന്നു.
Post Your Comments