കോട്ടയം: പണത്തെച്ചൊല്ലിയുള്ള തര്‍ക്കത്തിനൊടുവില്‍ ഹോട്ടല്‍ പെട്രോള്‍ ഒഴിച്ച് കത്തിച്ചു. കോട്ടയം കാണക്കാരിയില്‍ ഇന്ന് രാവിലെയാണ് ആണ് സംഭവം. തീ പടര്‍ന്ന് പിടിച്ച് ഹോട്ടലിന് തീയിട്ട ബേബി എന്നയാള്‍ക്കും ഹോട്ടല്‍ നടത്തിപ്പുകാരമായ പിസി ദേവസ്യക്കും പൊള്ളലേറ്റു. ഹോട്ടല്‍ നവീകരിച്ചതിന്റെ പണം ദേവസ്യ ഫര്‍ണീഷിങ് കടയുടമയായ ബേബിക്കു നല്‍കിയിട്ടില്ല. ഇതു ചോദിച്ചതു സംബന്ധിച്ച തര്‍ക്കമാണ് അക്രമത്തില്‍ കലാശിച്ചത്. കാണക്കാരി അമ്പലക്കവല ജംക്ഷനിലെ അപ്പൂസ് ഹോട്ടലിലാണ് അക്രമം നടന്നത്. സംഭവത്തിനിടെ ഹോട്ടലില്‍ ഭക്ഷണം കഴിച്ചു കൊണ്ടിരുന്നവര്‍ ഇറങ്ങിയോടി. രാവിലെ കടയില്‍ എത്തിയ ബേബി കയ്യില്‍ കരുതിയ കന്നാസില്‍ നിന്നു ഹോട്ടലിലേക്ക് പെട്രോള്‍ ഒഴിച്ചു കത്തിക്കുകയായിരുന്നു. സംഭവത്തില്‍ പൊലീസ് കേസെടുത്തു.
Post Your Comments