കാസര്‍കോട്: നീലേശ്വരത്ത് ആര്‍എസ്‌എസ് നടത്തിയ പഥസഞ്ചലനം സിപിഎം പ്രവര്‍ത്തകര്‍ തടഞ്ഞു. ഇതോടെ ഇരു വിഭാഗങ്ങളും തമ്മിൽ സംഘർഷം ഉണ്ടായി. ആര്‍എസ്‌എസ് പ്രവര്‍ത്തകര്‍ നീലേശ്വരം നഗരത്തിൽ നടത്തിയ പ്രകടനത്തിലാണ് സംഘർഷം ഉണ്ടായത്. ബസ് സ്റ്റാന്റ് ഭാഗത്തേയ്ക്ക് വന്ന ആര്‍എസ്‌എസ് പഥസഞ്ചലനത്തെ സിപിഎം-ഡിവൈഎഫ്‌ഐ പ്രവര്‍ത്തകര്‍ നീലേശ്വരം ബസ് സ്റ്റാന്റില്‍ വച്ച്‌ തടഞ്ഞു. പൊലീസ് ഇടപെട്ട് ഇരുവിഭാഗത്തെയും പിന്തിരിപ്പിക്കാൻ ശ്രമിച്ചെങ്കിലും ഫലം കണ്ടില്ല. കാര്യങ്ങൾ സംഘര്‍ഷത്തിലേക്ക് നീങ്ങുമെന്ന തലത്തിൽ എത്തിയപ്പോഴാണ് പൊലീസ് കണ്ണീര്‍ വാതകം പ്രയോഗിച്ചത്. നീലേശ്വരത്തെ രാജാസ് സ്കൂള്‍ കേന്ദ്രീകരിച്ചാണ് ആർഎസ്എസിന്‍റെ പഥസഞ്ചലനം നടക്കുന്നത്. ഇതിന് അനുമതി നല്‍കിയതിനെതിരെ നേരത്തെ സിപിഎം പ്രതിഷേധം ഉയര്‍ത്തിയിരുന്നു.
Post Your Comments