ചാലക്കുടി: ഡ്രീം വേള്‍ഡ് വാട്ടര്‍ തീം പാര്‍ക്കില്‍ വന്‍ തീപിടിത്തം. ത്രീഡി തിയറ്റര്‍ കത്തിനശിച്ചു. 10 ലക്ഷത്തിലേറെ രൂപയുടെ നാശനഷ്ടം ഉണ്ടായിട്ടുണ്ടെന്നാണ് സൂചന. ചൊവ്വാഴ്ച ഉച്ചക്ക് രണ്ടിനാണ് സംഭവം. ചാലക്കുടിയില്‍ നിന്നെത്തിയ ഫയര്‍ഫോഴ്സാണ് തീ അണച്ചത്. എ.സിയിലെ ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് റിപ്പോർട്ട്. സംഭവം നടക്കുമ്പോൾ തിയറ്ററിനകത്ത് ഓപ്പറേറ്റര്‍മാര്‍ മാത്രമാണ് ഉണ്ടായിരുന്നത്. തീയറ്ററിലെ സ്ക്രീന്‍, ഇരിപ്പിടങ്ങള്‍, പ്രൊക്ടറുകള്‍ എന്നിവ പൂര്‍ണമായി കത്തിനശിച്ചു. പാര്‍ക്കില്‍ നിരവധി സന്ദര്‍ശകരുണ്ടായിരുന്നെങ്കിലും ആര്‍ക്കും പരിക്കില്ല.
Post Your Comments