കോഴിക്കോട് : മാവോയിസ്റ്റ് ബന്ധം ആരോപിച്ച് അറസ്റ്റിലായ പ്രതികൾക്ക് ജാമ്യമില്ല. കണ്ണൂർ പാലയാട്ടെ സർവകലാശാലാ കാമ്പസ്‌ നിയമവിദ്യാർഥി കോഴിക്കോട് തിരുവണ്ണൂർ പാലാട്ട്‌നഗർ മണിപ്പൂരി വീട്ടിൽ അലൻ ഷുഹൈബ്‌ (20) , കണ്ണൂർ സ്‌കൂൾ ഓഫ്‌ ജേർണലിസം വിദ്യാർഥി ഒളവണ്ണ മൂർക്കനാട്‌ പാനങ്ങാട്ടുപറമ്പ്‌ കോട്ടുമ്മൽ വീട്ടിൽ താഹ ഫൈസൽ (24) എന്നിവരുടെ അപേക്ഷ യുഎപിഎ പ്രത്യേക കോടതി കൂടിയായ പ്രിൻസിപ്പൽ ജില്ലാ സെഷൻസ്‌ കോടതി തള്ളി.
യുഎപിഎ നില നിൽക്കുന്നതിനാൽ ജാമ്യം നല്കാൻ ആകില്ലെന്ന് കോടതി അറിയിച്ചു. കൂടുതൽ അന്വേഷണം നടത്തേണ്ടതുണ്ടെന്നും, പ്രതികൾ പുറത്തിറങ്ങിയാൽ അന്വേഷണത്തെ ബാധിക്കുമെന്ന് പ്രോസിക്യൂഷൻ കോടതിയെ അറിയിച്ചു. അതേസമയം യുവാക്കളെ ജയിലില്‍ സന്ദര്‍ശിക്കാന്‍ അനുമതി നല്‍കണമെന്നാവശ്യപ്പെട്ട് പ്രതിഭാഗം നല്‍കിയ അപേക്ഷ കോടതി പരിഗണിച്ചു. പ്രതികളെ കാണാൻ അഭിഭാഷകർക്ക് കോടതി അനുമതി നൽകി. വെള്ളിയാഴ്‌ചയാണു പന്തീരാങ്കാവ്‌ പോലീസ്‌ മാവോയിസ്റ്റ് അനുഭാവികളാണെന്ന കുറ്റം ചുമത്തി ഇവരെ അറസ്റ്റ് ചെയ്‌തത്‌.
Also read :സിപിഐ മാവോയിസ്റ്റിനെ ഭീകരപട്ടികയില്‍ ഉള്‍പ്പെടുത്തി
Post Your Comments