തിരുവനന്തപുരം: സംസ്ഥാനത്ത് വീണ്ടും കനത്ത മഴയ്ക്ക് സാധ്യത . വിവിധ ജില്ലകളില് അലര്ട്ട് പ്രഖ്യാപിച്ചു. ഇന്നും നാളെയും സംസ്ഥാന വ്യാപകമായി കനത്ത മഴയ്ക്ക് സാധ്യതയെന്നാണ് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിരിക്കുന്നത്.. പത്തു ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്.
Read Also : സംസ്ഥാനത്ത് വീണ്ടും കനത്ത മഴ : അതി തീവ്ര ഇടിമിന്നലിനും സാധ്യത : ജനങ്ങള്ക്ക് അതീവ ജാഗ്രതാ നിര്ദേശം
നാളെ എട്ടു ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. കോട്ടയം, എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് നാളെ ജാഗ്രതാ നിര്ദേശം ഉള്ളത്. ജില്ലാ ഭരണകൂടങ്ങള്ക്ക് കാലാവസ്ഥാ വകുപ്പ് ജാഗ്രതാ നിര്ദ്ദേശവും നല്കിയിട്ടുണ്ട്.
കഴിഞ്ഞ ദിവസം അതിശക്തമായ മഴയുണ്ടാകുമെന്ന മുന്നറിയിപ്പിനെ തുടര്ന്ന് വിവിധ ജില്ലകളില് പുറപ്പെടുവിച്ച റെഡ് അലര്ട്ട് പിന്വലിച്ചിരുന്നു. ഇതിന് പിന്നാലെയാണ് വീണ്ടും മഴ കനക്കുമെന്ന മുന്നറിയിപ്പ് എത്തിയിരിക്കുന്നത്.
Post Your Comments