ലണ്ടന്‍•തെക്കുകിഴക്കൻ ഇംഗ്ലണ്ടിലെ എസെക്സില്‍ പാര്‍ക്ക് ചെയ്തിരുന്ന ലോറിയില്‍ നിന്ന് 39 മൃതദേഹങ്ങള്‍ എസെക്സ് പോലീസ് കണ്ടെത്തി. വാട്ടർഗ്ലേഡ് ഇൻഡസ്ട്രിയൽ പാർക്കിൽ പാർക്ക് ചെയ്തിരുന്ന ലോറിയില്‍ നിന്നാണ് മൃതദേഹങ്ങള്‍ കണ്ടെത്തിയത്.
കൊലപാതകങ്ങളെക്കുറിച്ച് അന്വേഷണം ആരംഭിച്ച പോലീസ് 25 കാരനായ ലോറി ഡ്രൈവറെ അറസ്റ്റ് ചെയ്തിട്ടുണ്ട്. കൗമാരക്കാരനടക്കം 39 പേരും മരിച്ച നിലയിലായിരുന്നുവെന്ന് ബ്രിട്ടീഷ് മാധ്യമങ്ങൾ റിപ്പോർട്ട് ചെയ്തു. . മൃതദേഹങ്ങൾ തിരിച്ചറിയുന്നനുള്ള ശ്രമത്തിലാണ് പോലീസ്.
വാട്ടർഗ്ലേഡ് ഇൻഡസ്ട്രിയൽ പാർക്കിൽ പോലീസ് സുരക്ഷാ വലയം തീര്‍ത്തിട്ടുണ്ട്.
മാധ്യമ റിപ്പോർട്ടുകൾ പ്രകാരം, ലോറി ബൾഗേറിയയിൽ രജിസ്റ്റർ ചെയ്തതാണ്. ഒക്ടോബർ 19 ന് വെയിൽസിലെ ഹോളിഹെഡ് വഴിയാണ് രാജ്യത്ത് പ്രവേശിച്ചതെന്നും പോലീസ് കണ്ടെത്തിയിട്ടുണ്ട്.
Post Your Comments