ബെംഗളൂരു: കോപ്പിയടി തടയാൻ വിദ്യാർഥികളുടെ തലയിൽ കാർഡ്ബോർഡ് പെട്ടി ധരിപ്പിച്ച് പരീക്ഷ എഴുതിപ്പിച്ച ഹാവേരി ഭഗത് പ്രീ യൂണിവേഴ്സിറ്റി കോളേജിനെതിരെ നടപടി. അടുത്ത അധ്യയന വർഷം മുതൽ കോളേജ് അടച്ചുപൂട്ടാൻ കലക്ടർ നിർദേശിച്ചു. വിദ്യാർഥികൾക്കു മറ്റു കോളജുകളിൽ അവസരം ഒരുക്കും. വാടകക്കെട്ടിടത്തിൽ പ്രവർത്തിക്കുന്ന കോളജിന് അടിസ്ഥാന സൗകര്യമില്ലെന്നും കണ്ടെത്തിയിട്ടുണ്ട്.
കോപ്പിയടി തടയാൻ വേണ്ടി എന്നാണ് കോളേജ് അധികൃതർ വിശദീകരണം നൽകിയിരിക്കുന്നത്. രണ്ടുവരി ക്ഷമാപണ കത്തിൽ ചൈനയിലും ജപ്പാനിലും ഇത്തരത്തിൽ പരീക്ഷ എഴുതിക്കാറുണ്ടെന്നും ചൂണ്ടിക്കാണിക്കുന്നു.
Post Your Comments