പിഞ്ചുകുഞ്ഞിനോട് ആംഗ്യഭാഷയില്‍ സംസാരിച്ച് പിതാവ്; ഹൃദയം കീഴടക്കി ഒരു വീഡിയോ

എണ്ണിയാലൊടുങ്ങാത്ത ഭാഷകള്‍ ലോകത്തുണ്ട്. എന്നാല്‍ സ്‌നേഹത്തിന്റെയും വാത്സല്യത്തിന്റെയും ഭാഷയോ? എത് ഏത് നാട്ടിലായാലും ഒന്നു തന്നെയാണ്. അവിടെ വാക്കുകള്‍ക്ക് ഒരു പ്രാധാന്യവുമില്ല. അത്തരത്തില്‍ ഒരു വീഡിയോയാണിപ്പോള്‍ സോഷ്യല്‍ മീഡിയയുടെ ശ്രദ്ധ നേടുന്നത്.

ALSO READ: ബോലോ തരരര.. പാടി ട്രാഫിക് നിയന്ത്രണം; വീഡിയോ ഏറ്റെടുത്ത് സോഷ്യല്‍മീഡിയ

ബധിരനായ ഒരു പിതാവ് തന്റെ പിഞ്ചുകുഞ്ഞുമായി ആംഗ്യഭാഷയില്‍ സംസാരിക്കുന്നതിന്റെ ഹൃദയസ്പര്‍ശിയായ ഒരു വീഡിയോയാണിത്. മുന്‍ യുഎസ് ബാസ്‌കറ്റ്‌ബോള്‍ താരം റെക്‌സ് ചാപ്മാന്‍ ആണ് ഈ വീഡിയോ ട്വിറ്ററിലൂടെ പങ്കുവെച്ചത്. കേള്‍വിക്കുറവുള്ള ഈ പിതാവ് തന്റെ നവജാത മകളോട് ആംഗ്യഭാഷയില്‍ സ്‌നേഹം പ്രകടിപ്പിക്കുന്നു എന്ന ക്യാപ്ഷനോടെയാണ് അദ്ദേഹം ഈ വീഡിയോ പങ്കുവെച്ചത്.

https://twitter.com/RexChapman/status/1185285909601759232?ref_src=twsrc%5Etfw%7Ctwcamp%5Etweetembed%7Ctwterm%5E1185285909601759232&ref_url=https%3A%2F%2Findianexpress.com%2Farticle%2Ftrending%2Ftrending-globally%2Fvideo-of-deaf-father-signing-with-new-born-daughter-leaves-netizens-emotional-6078775%2F

41 സെക്കന്‍ഡുകള്‍ മാത്രം ദൈര്‍ഘ്യമുള്ള ഈ വീഡിയോ ഇതിനോടകം 4.5 ദശലക്ഷത്തിലധികം പേര്‍ കണ്ടു കഴിഞ്ഞു. തന്റെ നവജാതശിശുവിന്റെ കൈയില്‍ സ്‌നേഹപൂര്‍വ്വം പിടിച്ച് ഇദ്ദേഹം ആംഗ്യഭാഷയില്‍ ആശയവിനിമയം നടത്തുന്നുന്നത് വീഡിയോയില്‍ കാണാം. പോസ്റ്റ് ചെയ്ത് നിമിഷങ്ങള്‍ക്കകം തന്നെ ഈ വീഡിയോ സോഷ്യല്‍ മീഡിയയില്‍ വൈറലായി. പിതാവും കുഞ്ഞും തമ്മിലുള്ള ആശയവിനിമയം എന്നതിനപ്പുറം
കൊച്ചുപെണ്‍കുട്ടിയുടെ കണ്ണുകള്‍ അവളുടെ പിതാവിന് നേരെ തന്നെ ഉറപ്പിച്ച് അദ്ദേഹം പറയുന്ന കാര്യം ശ്രദ്ധിക്കുന്നു എന്നതാണ് പലരും നിരീക്ഷിച്ചത്.