കൂടത്തായി കൊലപാതക പരമ്പര : അന്വേഷണം പ്രാദേശിക സി​പി​എം-​ലീ​ഗ് നേതാക്കളിലേക്കും നീങ്ങുന്നു ? : സുപ്രധാന വിവരങ്ങൾ ലഭിച്ചു

കോഴിക്കോട് : കൂടത്തായി കൊലപാതക കേസിൽ പുതിയ വഴിത്തിരിവ്. അന്വേഷണം പ്രാദേശിക രാഷ്ട്രീയ നേതാക്കളിലേക്കും നീങ്ങുന്നു. മുഖ്യപ്രതി ജോ​ളി​യു​ടെ വീ​ട്ടി​ല്‍ ക്രൈം​ബ്രാ​ഞ്ച് ന​ട​ത്തി​യ പ​രി​ശോ​ധ​ന​യി​ലാ​ണ് ഇ​തു​സം​ബ​ന്ധി​ച്ച്‌ നി​ര്‍​ണാ​യ​ക തെ​ളി​വു​ക​ള്‍ ല​ഭി​ച്ച​ത്. പ്രാദേശിക രാഷ്ട്രീയ നേതാക്കളുമായി നടത്തിയ പണമിടപാടിന്റെ രേഖകൾ ലഭിച്ചു. സിപിഎം നേതാവ് ജോളിയിൽ നിന്നും ഒരു ലക്ഷം രൂപയുടെ ചെക്ക് വാങ്ങി. വ്യാജ വിൽപത്രത്തിൽ ഈ സിപിഎം നേതാവ് സാക്ഷിയായി ഒപ്പിട്ടെന്നാണ് വിവരം. അതോടൊപ്പം തന്നെ ലീഗ്‌ നേതാവ് വ്യാ​ജ​രേ​ഖ വ​ച്ച്‌ ഭൂ​മി ജോ​ളി​യു​ടെ പേ​രി​ലാ​ക്കാ​ന്‍ സ​ഹാ​യി​ച്ച​തായും ക്രൈം​ബ്രാ​ഞ്ച് ക​ണ്ടെ​ത്തിയിട്ടുണ്ട്. ജോ​ളി​യു​മാ​യും വീ​ടു​മാ​യും മു​സ്ലീം ലീ​ഗ് നേ​താ​വി​ന് അ​ടു​ത്ത ബ​ന്ധ​മു​ണ്ടാ​യി​രു​ന്നു. ചി​ല​ഘ​ട്ട​ത്തി​ല്‍ ജോ​ളി ഇ​യാ​ള്‍​ക്ക് സാ​ന്പ​ത്തി​ക സ​ഹാ​യം ന​ല്‍​കി​യ​താ​യയും വിവരം ലഭിച്ചിട്ടുണ്ട്.

ജോളിയുടെ രണ്ടാം ഭർത്താവ് ഷാജുവിനെ കസ്റ്റഡിയിലെടുത്തു. പയ്യോളി ക്രൈം ബ്രാഞ്ച് ഓഫീസിൽ ഒന്നര മണിക്കൂറോളം ചോദ്യം ചെയ്തതിനെ തുടർന്നാണ് നടപടി. ഷാജുവിനെ വടകര റൂറൽ എസ് പി ഓഫീസിൽ എത്തിച്ചു. നേരത്തെ കേസിലെ മുഖ്യപ്രതിയായ ജോളി ഷാജുവിനെതിരെ നിർണായക മൊഴി നൽകിയിരുന്നു. ആദ്യ ഭാര്യ ഷീലിയെയും കുഞ്ഞിനേയും കൊന്നത് ഷാജുവിന് അറിയാമായിരുന്നു. താൻ തന്നെയാണ് വിവരം ഷാജുവിനെ അറിയിച്ചത്. അവൾ മരിക്കേണ്ടവൾ തന്നെ ആയിരുന്നു. അതിൽ ദുഃഖമില്ലെന്നും ആരും അറിയരുതെന്നും ഷാജു പറഞ്ഞതായും ജോളി മൊഴി നൽകി.
ഇതിന്റെ അ​ടി​സ്ഥാ​ന​ത്തി​ലാണ് ഷാ​ജു​വി​നെ ക്രൈം​ബ്രാ​ഞ്ച് സം​ഘം ചോ​ദ്യം ചെ​യ്യാ​ൻ വി​ളി​ച്ചു​വ​രുത്തിയത്. അതോടൊപ്പം ഷാ​ജു​വി​ന്‍റെ വീ​ട്ടി​ൽ പോ​ലീ​സ് റെ​യ്ഡ് ന​ട​ത്തു​ക​യും ചെയ്തിരുന്നു. ക​ഴി​ഞ്ഞ ദി​വ​സം ഷാ​ജു​വി​നെ ഏ​റെ നേ​രം ചോ​ദ്യം ചെ​യ്തി​രു​ന്നെ​ങ്കി​ലും പി​ന്നീ​ട് വി​ട്ട​യ​ച്ചി​രു​ന്നു. നിലവില്‍ പതിനൊന്നോളം പേര്‍ കൂടത്തായി കൂട്ടക്കൊലയുമായി ബന്ധപ്പെട്ട് പൊലീസ് നിരീക്ഷണത്തിലാണ്.