ന്യൂഡല്‍ഹി: പാര്‍ലമെന്റ് പരിസരത്തേക്ക് കൈയില്‍ കത്തിയുമായി കടക്കാന്‍ ശ്രമിച്ചയാള്‍ പിടിയില്‍. ഇന്ന് രാവിലെയാണ് സംഭവം. ബൈക്കിലെത്തിയ യുവാവിനെ പാര്‍ലമെന്റിലെ സുരക്ഷാ ജീവനക്കാരാണ് പിടികൂടിയത്. തുടര്‍ന്ന് ഇയാളെ പാര്‍ലമെന്റ് പോലീസ് സ്റ്റേഷന്‍ അധികൃതര്‍ക്ക് കൈമാറി. രാവിലെ പത്തോടെ പാര്‍ലമെന്റ് പരിസരത്തെത്തിയ ഇയാള്‍ കൈയില്‍ കത്തിയുമായി പാര്‍ലമെന്റിനുള്ളിലേക്ക് കടക്കാന്‍ ശ്രമിക്കുകയായിരുന്നു.
വിജയ് ചൗക്ക് ഭാഗത്തെ 1ാം നമ്പര്‍ ഗേറ്റുവഴിഇയാള്‍ ബൈക്കോടിച്ച് കയറ്റുകയായിരുന്നു. സുരക്ഷാ ഉദ്യോഗസ്ഥര്‍ പിന്നാലെയോടി പിടികൂടി. ഇയാളെ ചോദ്യം ചെയ്ത് വരികയാണ്. ഡല്‍ഹിയിലെ ലക്ഷ്മി നഗര്‍ സ്വദേശിയായ സാഗര്‍ ഇല്‍സയാണ് പിടിയിലായതെന്നാണ് റിപ്പോര്‍ട്ടുകള്‍. പീഡനക്കേസില്‍ ജയിലില്‍ കഴിയുന്ന ഗുര്‍മീത് റാം റഹീമിന്റെ അനുയായിയാണ് ഇയാളെന്നാണ് സൂചന.
READ ALSO: ഗണേശ ചതുര്‍ത്ഥി ദിനത്തില്‍ പ്രധാനമന്ത്രിയുടെയും രാഷ്ട്രപതിയുടെയും ആശംസാസന്ദേശം
Post Your Comments