പ്രശസ്ത ബോളിവുഡ് സംഗീത സംവിധായകൻ അന്തരിച്ചു

മുംബൈ : പ്രശസ്ത ബോളിവുഡ് സംഗീത സംവിധായകൻ മുഹമ്മദ് സഹൂര്‍ ഖയാം ഹാഷ്മി (92) അന്തരിച്ചു. ഇന്ന് രാത്രി 9.28നു മുംബൈയിലെ ഒരു സ്വകാര്യ ആശുപത്രിയിലായിരുന്നു അന്ത്യം. ശ്വാസകോശ സംബന്ധമായ അസുഖങ്ങളെത്തുടര്‍ന്ന് ചികിത്സയിലായിരുന്നു. കഭി കഭി, ഉമ്രാവോ ജാന്‍ തുടങ്ങിയ ചിത്രങ്ങളിലൂടെയാണ് അദ്ദേഹം പ്രശസ്തനായാത്. അമിതാഭ് ബച്ചനും രാഖിയും ഒന്നിച്ചഭിനയിച്ച കഭീ കഭീ എന്ന ചിത്രത്തിൽ ഖയാം ഈണമിട്ട കഭീ കഭീ മേരേ ദില്‍ മേം എന്ന ഗാനം സംംഗീതാസ്വാദകർക്കും ഇന്നും പ്രിയപ്പെട്ടതാണ്.

Veteran music composer, Mohammed Zahur 'Khayyam' Hashmi, passed away at a hospital in Mumbai. pic.twitter.com/AdEpxHm661

— ANI (@ANI) August 19, 2019

രാജ്യം പദ്മഭൂഷണ്‍ നല്‍കി ആദരിച്ചിട്ടുണ്ട്. രേഖ, നസറുദ്ദീന്‍ ഷാ തുടങ്ങിയവര്‍ അഭിനയിച്ച ഉമ്രാവോ ജാനിലെ സംഗീതത്തിന് ദേശീയ പുരസ്‌കാരം, ഫിലിംഫെയര്‍ പുരസ്‌കാരം എന്നിവ ലഭിച്ചിരുന്നു. സംഗീത നാടക അക്കാഡമി പുരസ്‌കാരവും സ്വന്തമാക്കിയിട്ടുണ്ട്.