അബുദാബി: അബുദാബിയില്‍ സമ്മര്‍സെയില്‍സിന്റെ ഭാഗമായി നടന്ന നറുക്കെടുപ്പില്‍ 10ലക്ഷം ദിര്‍ഹത്തിന്റെ (ഏകദേശം 1.93കോടിയിലധികം രൂപ) സമ്മാനം സ്വന്തമാക്കി തിരുവനന്തപുരം സ്വദേശി. അബുദാബിയില്‍ ഡ്രൈവറായി ജോലി ചെയ്യുന്ന അബുദുള്‍ സലാം ഷാനവാസിനെയാണ് ഭാഗ്യം തേടിയെത്തിയത്. 200 ദിര്‍ഹത്തില്‍ കൂടുതല്‍ ചെലവഴിച്ചാണ് അബ്ദുള്‍ സലാം നറുക്കെടുപ്പില്‍ പങ്കെടുക്കാന്‍ അര്‍ഹത നേടിയത്. സമ്മാനം ലഭിച്ച കാര്യം ഈ മാസം അഞ്ചിന് തന്നെ അധികൃത‌ര്‍ അദ്ദേഹത്തെ അറിയിച്ചെങ്കിലും ഔദ്യോഗിക പ്രഖ്യാപനം വരുന്നത് വരെ ഇത് രഹസ്യമാക്കി വെയ്ക്കാനായിരുന്നു നിർദേശം.
ഇതിനിടെ നറുക്കെടുപ്പിന് രജിസ്റ്റര്‍ ചെയ്തപ്പോള്‍ ഫോണില്‍ വന്ന സന്ദേശം അറിയാതെ അബ്ദുള്‍ സലാം ഡിലീറ്റ് ചെയ്തിരുന്നു. അതിനാല്‍ സമ്മാനത്തുക ലഭിക്കുമോ എന്ന ആശങ്കയും അദ്ദേഹത്തെ അലട്ടിയിരുന്നു. സംഘാടകര്‍ മറ്റ് വിവരങ്ങള്‍ അന്വേഷിച്ചപ്പോള്‍ വിജയി ഇദ്ദേഹം തന്നെയാണെന്ന് മനസിലായി. തുടര്‍ന്ന് ഇന്നലെ തുക കൈമാറുകയായിരുന്നു.
Post Your Comments