ടിക് ടോകിനായി പോലീസ് എന്നെഴുതിയ വാഹനത്തിന് മുകളില്‍ യുവാവിന്‍റെ സാഹസിക പ്രകടനം : വീഡിയോ

ന്യൂ ഡൽഹി : ടിക് ടോകിനായി പോലീസ് എന്നെഴുതിയ വാഹനത്തിന് മുകളില്‍ യുവാവിന്‍റെ സാഹസിക പ്രകടനത്തിന്റെ വീഡിയോ വൈറലാകുന്നു. ഡൽഹി പോലീസ് എന്നെഴുതുകയും ബീക്കണ്‍ ലൈറ്റ് ഘടിപ്പിക്കുകയും ചെയ്ത വാഹനമാണ് വീഡിയോയിലുള്ളത്. ഓടിക്കൊണ്ടിരിക്കുന്ന വാഹനത്തിനു മുകളിൽ കയറി യുവാവ് പുഷ് അപ് എടുക്കുകയും വീണ്ടും വാഹനത്തിനുള്ളിലേക്ക് കയറുകയും ചെയ്യുന്നു. ഇയാള്‍ തന്നെയാണ് വാഹനം ഓടിക്കുന്നതെന്നും ദൃശ്യങ്ങളില്‍  നിന്ന് മനസ്സിലാക്കാൻ സാധിക്കുന്നു.

Save driving, anyone? @dtptraffic . @DelhiPolice Official vehicle is used to perform stunt and make #tiktokindia video. pic.twitter.com/H9ZCp6RTJS

— Saurabh Trivedi (@saurabh3vedi) June 26, 2019

ജെ പി ശര്‍മ എന്നയാളുടെ പേരിലാണ് വാഹനം രജിസ്റ്റര്‍ ചെയ്‌തിട്ടുള്ളതെന്ന് പരിശോധനയിൽ മനസിലായി. എന്നാൽ ഡൽഹി പോലീസിന്റേതാണെന്നു സ്ഥിരീകരിച്ചിട്ടില്ല.സംഭവത്തില്‍ കേസ് രജിസ്റ്റര്‍ ചെയ്തിട്ടുണ്ടെന്നും വാഹനത്തെ സംബന്ധിച്ചും ടിക്ടോക്കില്‍ കാണുന്ന യുവാവിനെക്കുറിച്ചും അന്വേഷണം നടക്കുകയാണെന്നും പോലീസ് പറഞ്ഞു.