ഐഎസിന്റെ യെമൻ പ്രൊവിൻസ് നേതാവടക്കമുള്ളവർ പിടിയിൽ

റിയാദ് : ഐഎസിന്റെ യെമൻ പ്രൊവിൻസ് നേതാവടക്കമുള്ളവർ പിടിയിലായി. സൗദി-യെമൻ പ്രത്യേക സേനയാണ് ഇവരെ പിടികൂടിയത്. ജൂൺ 3ന് വീട് റെയ്ഡ് ചെയ്താണ് ഇവരെ
പിടികൂടിയതെങ്കിലും ഇപ്പോഴാണ് വിവരം പുറത്തുവിട്ടത്. ആയുധങ്ങൾ, വെടിമരുന്ന്, ലാപ്ടോപ്, കംപ്യൂട്ടർ, വാർത്താവിനിമയ ഉപകരണങ്ങൾ, കറൻസികൾ എന്നിവയും കണ്ടെടുത്തിട്ടുണ്ട്.

പിടിക്കപ്പെട്ടവരിൽ 3 സ്ത്രീകളും 3 കുട്ടികളും ഉൾപ്പെടുന്നുവെന്ന് അറബ് സഖ്യസേനാ വക്താവ് കേണൽ തുർക്കി അൽ മാലികി അറിയിച്ചു. പ്രൊവിൻസ് നേതാവ് അബു ഒസാമ അൽ മുഹാജിർ ഉൾപ്പെടെയുള്ളവർ പിടിയിലായ ചിത്രം സഖ്യസേനാ പുറത്തുവിട്ടിട്ടുണ്ട്. ഗ്രൂപ്പിന്റെ ചീഫ് ഫിനാൻഷ്യൽ ഓഫിസറും ഇവരിൽ ഉൾപ്പെടുന്നു.