അണുബാധയെയും ഫംഗസ്, വൈറസ് തുടങ്ങിയവയെയും തേനും ഇഞ്ചിയും ചെറുക്കുന്നു. മഗ്നീഷ്യം, പൊട്ടാസ്യം, കാൽസ്യം, ഇരുമ്പ്, മാംഗനീസ്, സൾഫർ, സിങ്ക് തുടങ്ങിയ പോഷകങ്ങൾ തേനിൽ ധാരാളം അടങ്ങിയിരിക്കുന്നു . ചുമ, തൊണ്ടയിലെ അണുബാധ, ആമാശയ അൾസർ തുടങ്ങിയവയുടെ ചികിത്സയ്ക്കു ഇവ ഗുണപ്രദമാണ്. പേശികളുടെ ക്ഷീണം കുറയ്ക്കുന്നതിനും തേൻ നല്ലതാണ്.
വൈറസ്, ബാക്ടീരിയ, ഫംഗസ് തുടങ്ങിയ രോഗകാരികളെ തുരത്തുന്നതിന് ഇഞ്ചി സഹായകമാണ്. ഇത് ഒരു ആൻറി സെപ്റ്റിക്കാണ്. അതിനാല്‍ ഇവനീർവീക്കം തടയുന്നു.ആമാശയത്തിന്റെ ആരോഗ്യപ്രശ്നങ്ങൾ ചികിത്സിക്കാൻ ഇഞ്ചി ഉപയോഗിക്കാം. ആമാശയസ്തംഭനം, ദഹനക്കേട്, നെഞ്ചെരിച്ചിൽ, മനംപിരൽ തുടങ്ങിയവയുടെ ചികിത്സയ്ക്കും സഹായകമാണ്. പൊട്ടാസ്യം, മഗ്നീഷ്യം, ഫോസ്ഫറസ്, സിങ്ക്, വിറ്റാമിൻ എ, സി, ഇ, ബി കോംപ്ലക്സ് തുടങ്ങിയ പോഷകങ്ങളും ഇഞ്ചിയിലുണ്ട്. പനി, ചുമ, ശ്വസനസംബന്ധമായ പ്രശ്നങ്ങൾ, ദേഹംവേദന, സന്ധിവാതം മൂലമുണ്ടാകുന്ന വേദന തുടങ്ങിയവയുടെ ചികിത്സയ്ക്കും ഇഞ്ചി ഉപയോഗിക്കാം. കാൻസർ കോശങ്ങളുടെ വളർച്ച തടയാനുളള കഴിവ് ഇഞ്ചിക്കുളളതായി ഗവേഷണങ്ങൾ സൂചിപ്പിക്കുന്നു.
അടുക്കളയിൽ ചെറുനാരങ്ങ എപ്പോഴും കരുതണം. ആൻറി ഓക്സിഡൻറുകൾ ധാരാളമുള്ളതാണ് ചെറുനാരങ്ങ. വിറ്റാമിൻ സിയും ഫോളേറ്റും ഉൾപ്പെടെയുളള പോഷകങ്ങൾ നാരങ്ങയിലുണ്ട്. വയറിളക്കമുണ്ടായാൽ തേയിലവെളളത്തിൽ നാരങ്ങാനീരു ചേർത്തു കഴിച്ചാൽ ഫലം ഉറപ്പ്. ചെറുചൂടുവെളളത്തിൽ നാരങ്ങാനീരും ഇഞ്ചിനീരും ഉപ്പും ചേർത്തു കവിൾക്കൊണ്ടാൽ തൊണ്ടയിലെ അസ്വസ്ഥതകൾക്കു ശമനമാകും.ദഹനക്കേട്, മലബന്ധം, ദന്തസംബന്ധമായ പ്രശ്നങ്ങൾ, താരൻ, സന്ധിവാതം തുടങ്ങിയവയുടെ ചികിത്സയ്ക്കും നാരങ്ങ ഗുണപ്രദം ആണ്.
Post Your Comments