മഴ വില്ലനായി : ലോകകപ്പ് പോരാട്ടത്തിലെ ഇന്നത്തെ മത്സരം ഉപേക്ഷിച്ചു

ബ്രിസ്റ്റോള്‍: മഴ വില്ലനായതോടെ ലോകകപ്പ് പോരാട്ടത്തിലെ ഇന്നത്തെ മത്സരം ഉപേക്ഷിച്ചു. ഇന്ത്യന്‍ സമയം മൂന്ന് മണിക്ക് ആരംഭിക്കേണ്ടിയിരുന്ന പാക്കിസ്ഥാന്‍- ശ്രീലങ്ക മത്സരമാണ് ടോസ് പോലും ഇടാനാകാതെ രാത്രി എട്ടേകാലോടെ ഉപേക്ഷിച്ചത്.

Disappointing news from Bristol. #PAKvSL has been abandoned – both sides have been awarded a point. #WeHaveWeWill #LionsRoar #CWC19 pic.twitter.com/VyZlS6RVGx

— ICC Cricket World Cup (@cricketworldcup) June 7, 2019

ഇരു ടീമുകള്‍ക്കും ഓരോ പോയിന്റ് വീതം ലഭിച്ചു. ഇതോടെ പോയിന്റ് പട്ടികയിൽ ശ്രീലങ്കയും,പാകിസ്ഥാനും യഥാക്രമം മൂന്നും നാലും സ്ഥാനങ്ങളിൽ എത്തി. ആദ്യമായാണ് ലോകകപ്പില്‍ ശ്രീലങ്ക പാക്കിസ്ഥാനെതിരെ പോയിന്റ് സ്വന്തമാക്കുന്നത്. ഇതിന് മുന്‍പ് ഏഴ് തവണ പോരാടിയപ്പോഴും ശ്രീലങ്ക പരാജയപ്പെട്ടിരുന്നു.