കോഴിക്കോട്: തന്റെ വോട്ടര്‍മാരെ കാണാന്‍ കനത്ത മഴ വകവെയ്ക്കാതെ രാഹുല്‍ ഗാന്ധി എത്തി. തന്നെ വന്‍ ഭൂരിപക്ഷത്തോടെ ജയിപ്പിച്ച മണ്ഡലത്തിലെ വോട്ടര്‍മാര്‍ക്ക് ഒരുവട്ടംകൂടി നന്ദിപറയാനാണ് രാഹുല്‍ എത്തിയത്. കരിപ്പൂരില്‍ വിമാനമിറിങ്ങിയ രാഹുലിനെ കോണ്‍ഗ്രസ് -യുഡിഎഫ് നേതാക്കള്‍ സ്വീകരിച്ചു. ഇന്ന് മലപ്പുറത്തെയും നാളെ വയനാട്ടിലെയും ഞായറാഴ്ച കോഴിക്കോട്ടെയും മണ്ഡലങ്ങളിലാണ് പര്യടനം. ദേശീയതലത്തിലെ കോണ്‍ഗ്രസിന്റെ തോല്‍വിക്കുശേഷം രാഹുല്‍ഗാന്ധി ആദ്യമായാണ് പൊതുചടങ്ങുകളില്‍ പങ്കെടുക്കുന്നത്.
മൂന്നു ദിവസങ്ങളിലായി പന്ത്രണ്ടിടങ്ങളില്‍ നടക്കുന്ന റോഡ്ഷോയില്‍ പങ്കെടുത്ത ശേഷം ഞായറാഴ്ചയാണ് കോണ്‍ഗ്രസ് അധ്യക്ഷന്‍ മടങ്ങുക. കാളികാവ് ടൗണിലാണ് ആദ്യ റോഡ്ഷോ. കനത്ത മഴയിലും ഇടിമിന്നലിലും ആയിരങ്ങളാണ് റോഡിന്റെ ഇരുവശത്തും അണിനിരന്നത്. ശക്തമഴയെ തുടര്‍ന്ന് വാഹനം പതുക്കെയാണ് പോകുന്നത്. രാഹുലിന്റെ വാഹനത്തിന് അകമ്പടി പ്രഖ്യാപിച്ച് നൂറ് കണക്കിന് വാഹനങ്ങളും ഉണ്ട്.
Post Your Comments